टाटा ग्रुपची 'ही' कंपनी देणार तगडे रिटर्न्स, शॉर्ट टर्मसाठी गुंतवणूक केल्यास होणार भरपूर फायदा!
योग्य शेअरमध्ये गुंतवणूक केल्यास तुम्हाला त्यातून मोठा परतावा मिळू शकतो. सध्या शेअर बाजारात असे काही स्टॉक्स आहेत, जे तुम्हाला चांगला परतावा देऊ शकतात.
Tata Group Stocks: सध्या शेअर बाजारात मोठे चढउतार पाहायला मिळत आहेत. सध्याची स्थिती पाहता गुंतवणूकदार वेगवेगळ्या शेअर्समध्ये गुंतवणूक करून जास्तीत जास्त फायदा मिळवण्याचा प्रयत्न करत आहेत. सध्यातरी शेअर बाजारात गुंतवणूक करण्यासाठी सकारात्मक स्थिती असल्याचे म्हटले जात आहे. त्यामुळे शेअर बाजारातील तज्ज्ञ म्हणून ओळख असलेल्या विकास सेठी यांनी शॉर्ट टर्म गुंतवणुकीसाठी काही शेअर्स सूचवले आहेत. Tejas Networks आमि Apollo Micro Systems अशी या दोन शेअर्सची नावे आहेत.
Tejas Networks Share Price Target
विकास सेठी यांच्या म्हणण्यानुसार टाटा ग्रुपची टेलिकॉम Tejas Networks ही कंपनी आगामी काळात तुम्हाला चांगला नफा देऊ शकते. सध्या या शेअर्सचे मूल्य 1,275 रुपये आहे. या शेअरमध्ये गुंतवणूक करत असाल तर त्यासाठी 1240 रुपयांचा स्टॉपलॉस तसेच 1325 रुपयांचे शॉर्ट टर्म टार्गेट ठेवायला हवे. ही कंपनी टेलिकॉम कंपन्यांसाठी वेगवेगळी उपकरणं पुरवते. ही कंपनी TCS या कंपनीसोबत 15000 कोटी रुपयांच्या प्रकल्पावर काम करत आहे. .
Apollo Micro Systems Share Price Target
विकास सेठी यांनी शॉर्ट टर्म साठी अपोलो मायक्रो सिस्टिम्स या कंपनीत गुंतवणूक करण्याचा सल्ला दिला आहे. सध्या हा शेअर चांगलाच तेजीत दिसत आहे. शुक्रवारी या शेअरमध्ये 5 टक्क्यांची वाढ पाहायला मिळाली. सध्या हा शेअर 107.75 रुपयांवर आहे. या शेअरमध्ये तुम्ही गुंतवणूक करत असाल तर त्यासाठी 100 रुपयांचा स्टॉपलॉस तसेच 115 रुपयांचे टार्गेट निश्चित करायला हवे. ही कंपनी इलेक्ट्रॉनिक्स उपकरणं तयार करते. ही कंपनी प्रामुख्याने एयरोस्पेस, डिफेन्स आणि एव्हियोनिक्स क्षेत्रात काम करतो. DRDO, इंडियन आर्मी हे अपोलो मायक्रो सिस्टिम्सचे ग्राहक आहेत. ही कंपनी हैदराबादमध्ये नवा मॅन्यूफॅक्चरिंग प्लांट तयार करत आहेत. गेल्या काही दिवसांपासून सरकारकडून संरक्षण क्षेत्रातील गुंतवणुकीला पाठिंबा देत आहे. अशा स्थितीत या शेअरमध्ये गुंतवणूक केल्यास फायदा होऊ शकतो.
(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)
हेही वाचा :
'असं' करा आधार मोफत अपडेट; जाणून घ्या A टू Z प्रक्रिया!
मुलगा 21 व्या वर्षी होणार करोडपती, पण नेमकं कसं? 'हा' फॉर्म्यूला तुमचं स्वप्न पूर्ण करणार
महत्त्वाच्या बातम्या
ट्रेंडिंग न्यूज
