Akash Ambani Shloka Ambani: अंबानी कुटुंबात छोट्या परीचे आगमन; आकाश आणि श्लोकाला कन्यारत्नाचा लाभ
Akash Ambani and Shloka Mehta Ambani: आकाश अंबानी आणि श्लोका अंबानी हे दुसऱ्यांदा आई-वडील झाले आहेत. आज, या दाम्पत्याला कन्यारत्नाचा लाभ झाला आहे.
Akash Ambani and Shloka Mehta Ambani Second Child: आशिया खंडातील सर्वात श्रीमंत व्यक्ती आणि रिलायन्स इंडस्ट्रीजचे अध्यक्ष मुकेश अंबानी (Mukesh Ambani) हे पुन्हा एकदा आजोबा झाले आहेत. श्लोका (Shloka Mehta) आणि आकाश अंबानी (Akash Ambani) हे दुसऱ्यांदा आई-वडील झाले आहेत. श्लोका अंबानी यांनी आज एका मुलीला जन्म (Baby Girl) दिला आहे. आकाश आणि श्लोका यांना याआधी पृथ्वी हा मुलगा आहे.
काही दिवसांपूर्वी नीता मुकेश अंबानी यांच्या नावावर असलेल्या सांस्कृतिक केंद्राच्या (NMACC) उद्घाटन सोहळ्यादरम्यान, काही छायाचित्रे सोशल मीडियावर व्हायरल झाली. ज्यामध्ये श्लोका अंबानीचा बेबी बंप दिसत होता. यानंतर ती पुन्हा आई होणार असल्याची बातमी चर्चेत आली होती. आता तिने एका सुंदर बाळाला जन्म दिला आहे.
2019 मध्ये विवाहबद्ध
आकाश अंबानी आणि श्लोका मेहता यांचा विवाह मार्च 2019 मध्ये झाला होता. श्लोका आणि आकाश हे बालपणीचे मित्र आहेत. दिग्गज हिरे व्यापारी रसेल मेहता यांची मुलगी श्लोका एका वर्षानंतर आई झाली. 10 डिसेंबर 2020 रोजी, श्लोकाने एका मुलाला जन्म दिला होता. पृथ्वीचे फोटो सोशल मीडियावर सतत व्हायरल होत असतात. या फोटोत आजोबा मुकेश अंबानी आणि नातू पृथ्वीचे बाँडिंग दिसून येते.
रिलायन्स इंडस्ट्रीजचे चेअरमन मुकेश अंबानी यांच्या घरी सध्या आनंद ओसंडून वाहत आहे. काही महिन्यांपूर्वी त्यांचा धाकटा मुलगा अनंत अंबानी याचा साखरपुडा राधिका मर्चंटसोबत झाला होता. तर, मुकेश अंबानी यांची मुलगी ईशा अंबानी हिनेही जुळ्या मुलांना जन्म दिला होता. कृष्णा आणि आदिया असे नामकरण करण्यात आले आहे. आता पुन्हा एकदा अँटिलियामध्ये एका छोट्या परीचे आगमन झाले आहे.
सध्या मुकेश अंबानी यांचा मोठा मुलगा आकाश अंबानी देशातील सर्वात मोठी टेलिकॉम कंपनी रिलायन्स जिओचा प्रमुख आहे. आकाशने पहिल्यांदा जिओ इन्फोकॉममध्ये स्ट्रॅटेजी चीफ म्हणून काम करायला सुरुवात केली. Jio ला खूप उंचीवर नेण्यात आकाश अंबानीचा महत्वाचा वाटा आहे.
मुलांवर सोपवली जबाबदारी
मुकेश अंबानी यांनी तिन्ही मुलांवर आपल्या रिलायन्स इंडस्ट्रीतील महत्त्वाच्या कंपन्यांची मोठी जबाबदारी सोपवली आहे. आकाश अंबानी टेलिकॉम कंपनी जिओची जबाबदारी आहे. तर, रिटेल व्यवसायाची जबाबदारी मुलगी ईशा अंबानीच्या खांद्यावर आहे. धाकटा मुलगा अनंत अंबानी रिलायन्सच्या नवीकरणीय ऊर्जा व्यवसायाची जबाबदारी सांभाळत आहे.
महत्त्वाच्या बातम्या
ट्रेंडिंग न्यूज
