Shani Dev : 'या' 3 तारखेला जन्मलेल्या लोकांवर सदैव असते शनिदेवाची कृपा; शिक्षण, करिअर, नोकरीत मिळतं उत्तम यश

Shani Dev : शनिदेवाची कृपा भक्तांवर सदैव राहते. शनिदेवाला न्यायाची देवता म्हणतात. मात्र या तीन तारखेला जन्मलेल्या व्यक्तींना शनिदेव सर्वात जास्त आवडतात.

Shani Dev

Shani Dev : ज्योतिषशास्त्राप्रमाणेच, करिअर, आर्थिक परिस्थिती आणि लव्ह लाईफ यांचंही अंकशास्त्राप्रमाणे मूल्यांकन केलं जातं. अंकशास्त्रात प्रत्येक मूल्यांकाबाबत विशेष गोष्टी सांगितल्या जातात. संख्याशास्त्रावरून कोणत्याही व्यक्तीचे व्यक्तिमत्त्व ओळखता येते. शनि देवाला न्यायाची देवता मानलं जातं. अनेकजण शनि देवाला (Shani Dev) घाबरून असतात. शनि आपल्यापासून दूरच असावा असं त्यांना वाटतं. पण, शनि देव विनाकारण कोणाला त्रास देत नाहीत आणि शिक्षाही करत नाहीत. अंकशास्त्रानुसार (Numerology), आज आपण अशा तीन लकी तारखेला जन्मलेल्या लोकांबद्दल बोलणार आहोत ज्यांच्यावर शनि देवाची सदैव कृपा असते. 

'या' तारखेला जन्मलेले लोक असतात लकी 

अंकशास्त्रानुसार, असं म्हटलं आहे की, ज्या लोकांचा जन्म 8, 17, आणि 26 तारखेला होतो त्यांच्यावर शनि दैवाची सदैव कृपा असते. याचं कारण असं आहे की, शनि देवाचा 8 हा आवडता अंक आहे. यासाठी अंकशास्त्रानुसार, तुमच्या जन्म तिथीच्या आधारे तुमचा अंक शनि देवाला प्रिय आहे की नाही हे ठरवलं जातं. त्यानुसार, 1 आणि 7 जोडल्यास 8 अंक तयार होतो, त्याचप्रमाणे 26 हा अंक 2 आणि 6 पासून तयार होतो.  यासाठी 8 , 17 आणि 26 या तारखा शनि देवाला जास्त प्रिय आहेत. याच कारणामुळे या 3 तारखेला जन्मलेल्या लोकांवर शनिदेवाची विशेष कृपा असते असं अंकशास्त्रात म्हटलं आहे. 

मूल्यांक 8 असणाऱ्या लोकांचा स्वभाव कसा असतो? 

• मूल्यांक 8 असणाऱ्या लोकांमध्ये कधीच पैशांची कमतरता नसते. आर्थिक दृष्टीने या व्यक्ती अगदी परिपूर्ण असतात. या लोकांचा कल पैसे खर्च करण्यापेक्षा पैशांची बचत करण्याकडे जास्त असतो. 
• या मूल्यांकाबद्दल अनेकदा असं म्हटलं जातं की, या लोकांना वयाच्या तिसाव्या वर्षी शिक्षण, करिअर, नोकरीत जास्त प्रगती मिळते. 
• हा मूल्यांक असणाऱ्या लोकांचे विचार उच्च असतात. फालतू गप्पा गोष्टी न करता मूद्याचं बोलायला यांना फार आवडतं. 
• साधी राहणी, उच्च विचारसरणी हे यांच्या आयुष्याचं तत्त्व असतं. यांना आयुष्यात तत्वांनी जगायला आवडतं. आपल्या तत्त्वांशी कधीच हे लोक तडजोड करत नाहीत. 
• आपल्या गोष्टी इतरांना सांगण्यापेक्षा त्या पर्सनल ठेवणं या मूल्यांकाचे लोक जास्त पसंत करतात. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा :