Rahu Gochar : 2025 मध्ये कुंभ राशीत होणार राहुचं संक्रमण; नवीन वर्षात 'या' राशींना लागणार 'जोर का झटका'

Rahu Gochar 2025 : राहू ग्रह सध्या मीन राशीत विराजमान आहे. 2025 मध्ये राहू ग्रहाचं संक्रमण होणार आहे. राहू नवीन वर्षात मीन राशीतून संक्रमण करुन कुंभ राशीत प्रवेश करणार आहे.

Rahu Gochar 2025

Source : ABP Web Team

Rahu Gochar 2025 : ज्योतिष शास्त्रात सांगितल्याप्रमाणे राहुला (Rahu) पापी ग्रहाचं स्थान देण्यात आलं आहे. नवग्रहांमध्ये राहुला देखील विशेष स्थान देण्यात आलं आहे. राहु ग्रह (Rahu Gochar) प्रत्येक 18 महिन्यांनी राशी परिवर्तन करतात. याचाच अर्थ राहु ग्रहाचं संक्रमण 18 महिन्यांनी होते. 

राहू ग्रह सध्या मीन राशीत विराजमान आहे. 2025 मध्ये राहू ग्रहाचं संक्रमण होणार आहे. राहू नवीन वर्षात मीन राशीतून संक्रमण करुन कुंभ राशीत प्रवेश करणार आहे. 18 मे 2025 रोजी संध्याकाळी 4.30  वाजता राहू ग्रह संक्रमण करणार आहे. हे राशी परिवर्तन काही राशींसाठी नुकसानदायक ठरु शकतं. या राशी नेमक्या कोणत्या आहेत ते जाणून घेऊयात. 

मिथुन रास (Gemini Horoscope)

मिथुन राशीच्या लोकांसाठी मायावी ग्रह राहूचं संक्रमण फार आव्हानात्मक असणार आहे. नोकरी किंवा बिझनेस करणाऱ्या लोकांना या काळात अनेक संकटांचा सामना करावा लागू शकतो. या काळात तुम्हाला नशिबाची साथ मिळणं कठीण आहे. तुमच्या कुटुंबात या काळात वाद निर्माण होण्याची शक्यता आहे. 

सिंह रास (Leo Horoscope)

सिंह राशीच्या लोकांना राहुचं संक्रमण 18 मे नंतर फार आव्हानात्मक असणार आहे. कामाच्या ठिकाणी तुम्हाला संकटांचा सामना करावा लागू शकतो. तसेच, या काळात तुमच्या खर्चात वाढ होण्याची शक्यता आहे. यामुळे याचा परिणाम तुमच्या आर्थिक स्थितीवर देखील होऊ शकतो. तुमच्या व्यवसायात तुम्हाला आर्थिक नुकसान होण्याची शक्यता आहे. 

कुंभ रास (Aquarius Horoscope)

कुंभ राशीच्या लोकांसाठी हा काळ फार आव्हानात्मक ठरु शकतो. राहुचं संक्रमण कुंभ राशीतच होणार असल्या कारणाने या राशीला अनेक कठीण परिस्थितींना सामोरं जावं लागेल. तुमच्या नोकरीत अनेक आव्हानं तुमच्यासमोर येऊ शकतात. त्यामुळे या काळात अधिक सावध राहा. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

हेही वाचा :