Numerology: म्हणूनच 'या' जन्मतारखेच्या लोकांना एकमेकांशी लग्न न करण्याचा सल्ला देतात? कट्टर शत्रू बनतात? अंकशास्त्रात म्हटलंय..

Numerology: अंकशास्त्रानुसार 'या' जन्मतारखेच्या लोकांना एकमेकांशी लग्न न करण्याचा सल्ला दिला जातो. हे लोक आयुष्यभर मित्र का बनत नाहीत? अंकशास्त्रात म्हटलय..

Numerology Astrology marathi news reason of people with Mulank 1 and mulank 8 are advised not to marry each other Numerology

Source : google

Numerology: लग्न हे दोन जीवांचे मिलन आहे. हिंदू धर्मात याला पवित्र बंधन म्हटले जाते. नवरा-बायकोचं नातं हे एका रेशीम धाग्यासारखे असते. जे ताणलं तर ते तुटणारच.. आजकाल आपण पाहतो. अनेक लोक विवाहापूर्वी कुंडली मिलन करतात. त्यात दोघांचे किती गुण जमतील, त्यानुसार लग्न करण्याचा किंवा न करण्याचा सल्ला दिला जातो. त्याचप्रमाणे अंकशास्त्रानुसारही काही गोष्टी आवर्जून पाहिल्या जातात. काही जन्मतारखेच्या लोकांना एकमेकांशी लग्न न करण्याचा सल्ला दिला जातो. अंकशास्त्राव्दारे अंकज्योतिष याचा अभ्यास करतात, लग्न न जमवण्याची कारणं सांगितली जातात. आज आपण अशा जन्मतारखेच्या लोकांबद्दल जाणून घेणार आहोत, जे लोक आयुष्यभर एकमेकांचे मित्र बनत नाहीत, तसेच या दोघांची जन्मतारीख एक कट्टर शत्रू मानले जाते.  

'या' जन्मतारखेच्या लोकांना लग्न न करण्याचा सल्ला दिला जातो.

अनेकदा आपण मैत्री आणि शत्रुत्वाच्या कथा ऐकत असतो, परंतु तुम्हाला माहिती आहे का की ग्रह आणि मूलांक देखील एकमेकांचे शत्रू आहेत. अंकशास्त्रात असे सांगितले आहे की मूलांक 1 (कोणत्याही महिन्याच्या 1, 10, 19 किंवा 28 तारखेला जन्मलेल्या लोकांचा मूलांक 1 असतो) आणि 8 (कोणत्याही महिन्याच्या 8, 17 किंवा 26 तारखेला जन्मलेल्या लोकांचा मूलांक 8 असतो) एकमेकांचे शत्रू असतात) हे दोघे एकमेकांसोबत अजिबात पटवून घेत नाहीत. हे लोक सहज मित्र बनत नाहीत. जरी ते मित्र झाले तरी भांडणे होण्याची शक्यता जास्त असते. या कारणास्तव, मूलांक 1 आणि 8 असलेल्या लोकांना लग्न न करण्याचा सल्ला दिला जातो. अंकशास्त्रानुसार, आपण जाणून घेऊया की मूलांक 1 आणि 8 असलेले लोक मित्र का बनू शकत नाही?

या दोन मूलांकांमधील शत्रुत्वाचे कारण

अंकशास्त्रानुसार, ग्रहांचा राजा सूर्य हा मूलांक 1 चा स्वामी मानला जातो, तर कर्माचा दाता शनि हा मूलांक 8 चा स्वामी आहे. सूर्य देव शनि देवाचा पिता आहे, परंतु या दोघांमध्ये शत्रुत्वाची भावना आहे. सूर्य आणि शनि देव यांच्यातील शत्रुत्वाशी संबंधित अनेक कथा लोकप्रिय आहेत, ज्यांचे स्वतःचे महत्त्व आहे.

पिता सूर्य आणि पुत्र शनिचे शत्रुत्व

स्कंद पुराणानुसार, सूर्य देवाचा विवाह दक्षाची कन्या संज्ञाशी झाला होता. देवी मनु, देवी यमुना आणि यमराज ही देवी संज्ञा आणि सूर्य देवाची मुले आहेत. देवी संज्ञा सूर्य देवाच्या तेजस्विता मुळे खूप नाराज होती. ज्यामुळे कंटाळून तिने सूर्य देवापासून दूर राहण्याचा निर्णय घेतला आणि त्याचे अगदी हुबेहूब तिच्यासारख्या स्त्रीला निर्माण केले. देवी मनु, देवी यमुना आणि यमराज यांची जबाबदारी देवी स्वर्णाला देऊन माता संज्ञा तपश्चर्या करण्यासाठी निघून गेली.

देवी तपती, देवी भद्रा आणि शनिदेव ही सूर्यदेव आणि देवी स्वर्णाची मुले आहेत. जेव्हा देवी स्वर्णाने शनिदेवाला जन्म दिला तेव्हा सूर्यदेवांना शंका आली की ते त्यांचे मूल नाही. जेव्हा शनिदेवांना सूर्यदेवाच्या या संशयाची माहिती मिळाली तेव्हा त्यांना खूप राग आला. जेव्हा शनिदेवांची संतप्त नजर सूर्यदेवावर पडली तेव्हा तेही काळे झाले.

सूर्यदेव नेमकं काय घडत आहे ते समजू शकले नाही. त्यांच्या प्रश्नांची उत्तरे जाणून घेण्यासाठी सूर्यदेव शिवजींकडे गेले आणि महादेवांनी त्यांना संपूर्ण परिस्थिती सांगितली. सूर्यदेवांना त्यांची चूक कळली आणि त्यांनी देवी स्वर्णाची माफी मागितली. परंतु त्यानंतर पिता-पुत्राचे नाते बिघडले.

असे मानले जाते की शनिदेवांनी सूर्यदेवांना कधीही क्षमा केली नाही. यामुळे आजही या दोघांमध्ये वैरभाव आहे. मूळ क्रमांक 1 आणि 8 हे सूर्य आणि शनिदेवांशी संबंधित आहेत. त्यामुळे या दोन मूळ क्रमांकांचे लोक एकमेकांशी जुळत नाहीत.

हेही वाचा :                          

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)