November 2026 Planet Transit : नोव्हेंबर महिन्यात ग्रहांचं महासंक्रमण; 12 पैकी 6 राशींचं नशीब पालटणार, आजपासून सुवर्णकाळ होणार सुरु
November 2026 Planet Transit : गुरु ग्रह सिंह राशीच्या पहिल्या चरणात असणार आहे. तर, केतूसुद्धा याच चरणात स्थित असणार आहे. 12 नोव्हेंबर रोजी मंगळ ग्रह कर्क राशीतून सिंह राशीत प्रवेश करेल.

November 2026 Planet Transit : वैदिक ज्योतिष शास्त्रानुसार, नोव्हेंबरचा (November 2026) महिना सिंह राशीच्या लोकांसाठी नवीन जबाबदाऱ्या तसेच काही अनुभव घेऊन येणारा असणार आहे. या महिन्यात काही मुख्य ग्रह राशी परिवर्तन करणार आहे. ज्याचा परिणाम तुमच्या करिअर, आर्थिक स्थिती आणि नातेसंबंधांवर दिसून येऊ शकतो. गुरु ग्रह संपूर्ण महिना सिंह राशीच्या पहिल्या चरणात असणार आहे. तर, 12 नोव्हेंबर रोजी मंगळ ग्रहसुद्धा या राशीत प्रवेश करणार आहे. या व्यतिरिक्त शुक्र आणि बुध ग्रहाचं संक्रमण फार महत्त्वाचं असणार आहे. त्यामुळे सिंह राशीसाठी नोव्हेंबरचा महिना कसा असणार आहे ते जाणून घेऊयात.
सिंह राशीत गुरु ग्रहाचं संक्रमण
नोव्हेंबर महिन्यात गुरु ग्रह सिंह राशीच्या पहिल्या चरणात असणार आहे. तर, केतूसुद्धा याच चरणात स्थित असणार आहे. 12 नोव्हेंबर रोजी मंगळ ग्रह कर्क राशीतून सिंह राशीत प्रवेश करेल. त्यामुळे तुमच्या आत्मविश्वासात चांगली वाढ होऊ शकते. तसेच, या काळात कोणताही निर्णय घाईगडबडीत घेऊ नका.
6 नोव्हेंबर रोजी शुक्र ग्रह वक्री होऊन कन्या राशीत प्रवेश करेल. तर, 14 नोव्हेंबर रोजी मार्गी होणार आहे. त्यानंतर 22 नोव्हेंबर रोजी शुक्र ग्रह तूळ राशीत संक्रमण करणार आहे. बुध ग्रह 13 नोव्हेंबर रोजी तूळ राशीत मार्गी होणार आहे. तर, सूर्य 16 नोव्हेंबर रोजी वृश्चिक राशीत प्रवेश करणार आहे. शनिदेव संपूर्ण महिना मीन राशीत वक्री अवस्थेत असणार आहे. तर, राहू कुंभ राशीत उपस्थित असेल.
'या' राशींवर होणार खास परिणाम
मेष रास (Aries Horoscope)
मेष राशीच्या लोकांना या काळात धनसंपत्ती आणि शिक्षणाशी संबंधित चांगला लाभ मिळू शकतो.
वृषभ रास (Taurus Horoscope)
वृषभ राशीच्या लोकांना नोकरीत चांगली संधी मिळू शकते. प्रगतीचे मार्ग खुले होतील. तसेच, संपत्तीशी संबंधित सकारात्मक परिणाम मिळतील.
सिंह रास (Leo Horoscope)
गुरु ग्रह आणि मंगळ ग्रहाच्या संक्रमणामुळे तुमच्या आत्मविश्वासात वाढ होईल. तुमच्यात चांगली नेतृत्व क्षमता दिसून येईल.
कन्या रास (Virgo Horoscope)
या कालावधीत तुमच्या उत्पन्नात चांगली वाढ होईल. करिअरच्या अनेक नवीन संधी तुम्हाला मिळतील. मित्रांचं सहकार्य लाभेल.
तूळ रास (Libra Horoscope)
या काळात तुम्हाला तुमच्या कामातून समाधान मिळेल. तसेच, जुन्या संपर्काचा तुम्हाला चांगला फायदा होईल. नोकरीत प्रमोशन होईल.
धनु रास (Saggitarius Horoscope)
या काळात करिअरमध्ये काही सकारात्मक बदल घडताना दिसतील. तसेच, तुमचे रखडलेले पैसे तुम्हाला परत मिळतील. नवीन जबाबदाऱ्या तुमच्यावर सोपवण्यात येतील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर महत्त्वाच्या बातम्या :
Tulsi Vivah 2026 : नोव्हेंबर महिन्यात 'या' दिवशी असणार तुळशी विवाह; आत्ताच नोट करा तारीख आणि पूजेचा शुभ मुहूर्त



















