Mahashivratri 2022 Live Updates : राज्यासह देशभरात महाशिवरात्रीचा उत्साह, भाविकांची शिवमंदिरात गर्दी
Maha Shivaratri 2022 : राज्यासह देशभरात महाशिवरात्रीचा उत्साह दिसून येत आहे. महाशिवरात्रीनिमित्ताने अनेक शिवमंदिरात भाविकांची गर्दी उसळली आहे.
कोरोनाच्या दोन वर्षांच्या कालावधीत सगळी मंदिरही बंद ठेवावी लागली होती. आता हा विळखा सुटत असताना महाशिवरात्रीच्या निमित्ताने भाविक शंभू महादेवाच्या मंदिरांमध्ये दर्शनासाठी गर्दी करत आहेत. पुणे जिल्ह्यातील भीमाशंकर इथल्या बारा ज्योतिर्लिंगांपैकी एक असलेल्या मंदिरामध्ये राज्याचे गृहमंत्री दिलीप वळसे-पाटील दर्शना साठी पोहोचले.. दिलीप वळसे पाटील यांच्या हस्ते शंभू महाराजांची महाआरती संपन्न झालेली यावेळी पुण्याचे जिल्हाधिकारी आणि काही वरिष्ठ अधिकारी देखील उपस्थित होते...
Mahashivratri 2022 : महाशिवरात्रीनिमित्त बीडच्या परळी येथील प्रभू वैद्यनाथाचे मंदिर सज्ज झाले आहे. सलग दुसऱ्या वर्षी वैद्यनाथ मंदिराची यात्रा रद्द करण्यात आलीय. केवळ दर्शनासाठी मध्यरात्री बारा वाजल्यापासून मंदिर खुले करण्यात आलंय. तर सायंकाळी सात वाजता जिल्हाधिकाऱ्यांच्या हस्ते मंदिरात प्रभू वैद्यनाथाची महापूजा पार पडणार आहे. दरम्यान याच पार्श्वभूमीवर पोलिसांकडून सुरक्षा यंत्रणा वाढविण्यात आलीय..
Mahashivratri 2022 : महाशिवरात्रीनिमित्तानं बारा ज्योतिर्लिंगांपैकी एक असलेल्या नाशिकच्या त्र्यंबकेशवर मंदिरात भाविकांची गर्दी पाहायला मिळाली. कोरोनामुळे गेले दोन वर्ष महाशिवरात्रीला महादेवाचं दर्शन घडू शकलं नव्हतं. मात्र आता कोरोना मागे सारून भाविकांनी शिवमंदिरात गर्दी करायला सुरुवात केली आहे.
Mahashivratri 2022 : महाशिवरात्रीनिमित्त बीडच्या परळी येथील प्रभू वैद्यनाथाचे मंदिर सज्ज झाले आहे. सलग दुसऱ्या वर्षी वैद्यनाथ मंदिराची यात्रा रद्द करण्यात आलीय. केवळ दर्शनासाठी मध्यरात्री बारा वाजल्यापासून मंदिर खुले करण्यात आलंय. तर सायंकाळी सात वाजता जिल्हाधिकाऱ्यांच्या हस्ते मंदिरात प्रभू वैद्यनाथाची महापूजा पार पडणार आहे. दरम्यान याच पार्श्वभूमीवर पोलिसांकडून सुरक्षा यंत्रणा वाढविण्यात आलीय.
Mahashivratri Mumbai 2022 : मुंबईत प्रसिद्ध बाबुलनाथ मंदिरातही आज महाशिवरात्री साजरा करण्यासाठी भाविकांनी गर्दी केली. बाबुलनाथ नंदीर हे प्राचीन मंदीर आहे.
पार्श्वभूमी
Maha Shivaratri 2022 : आज महाशिवरात्री. भाविकांसाठी अत्यंत महत्वाचा असा दिवस म्हणजे महाशिवरात्रीचा दिवस. माघ कृष्ण चतुर्दशीला महाशिवरात्री साजरी केली जाते. कोरोनाची लाट ओसरल्याने अनेक ठिकाणी निर्बंध शिथील करण्यात आले आहेत. त्यामुळे भाविकांची शिवमंदिरात गर्दी उसळली आहे. राज्यातील ज्योतीर्लिंग मंदिरासह प्रसिद्ध शिवमंदिरात भाविकांचा उत्साह दिसून येत आहे.
व्रत पद्धत आणि विधी
महाशिवरात्री दिवशी उपवास, पूजा व जागरण ही तीन अंगे आहेत. शिवरात्रीला रात्रीच्या चार प्रहरी चार पूजा कराव्या, अशी मान्यता आहे. त्यांना यामपूजा असे म्हणतात. प्रत्येक यामपूजेत देवाला अभ्यंगस्नान घालावे. बेल, पांढरी फुले व रुद्राक्षांच्या माळा शाळुंका व शिवपिंडीवर वाहाव्यात. धोत्रा व आंबा यांची पत्रीही या पूजेत वाहतात. तांदळाच्या पिठाचे 26 दिवे करून त्यांनी शिवशंकराला ओवाळावे. पूजेच्या शेवटी 108 दिवे दान द्यावेत. प्रत्येक पूजेचे मंत्र वेगवेगळे असतात. ओम नम: शिवायसह शिवस्मरणात जागरण करावे. पहाटे स्नान करून पुन्हा पूजा करावी. शिवपिंडीला थंड पाणी, दूध किंवा पंचामृत यांनी स्नान घालतात. शिवाच्या पूजेत हळद-कुंकू वापरत नाहीत; भस्म वापरतात. शिवपूजेत पांढऱ्या अक्षता वापरतात. शिवाक्षाला तांदूळ, क्वचित गहू व पांढरी फुले वाहतात. शिवपिंडीला पूर्ण प्रदक्षिणा न घालता अर्धचंद्राकृती प्रदक्षिणा घालतात.
- - - - - - - - - Advertisement - - - - - - - - -