Mahashivratri 2022 Live Updates : राज्यासह देशभरात महाशिवरात्रीचा उत्साह, भाविकांची शिवमंदिरात गर्दी
Maha Shivaratri 2022 : राज्यासह देशभरात महाशिवरात्रीचा उत्साह दिसून येत आहे. महाशिवरात्रीनिमित्ताने अनेक शिवमंदिरात भाविकांची गर्दी उसळली आहे.
Background
Maha Shivaratri 2022 : आज महाशिवरात्री. भाविकांसाठी अत्यंत महत्वाचा असा दिवस म्हणजे महाशिवरात्रीचा दिवस. माघ कृष्ण चतुर्दशीला महाशिवरात्री साजरी केली जाते. कोरोनाची लाट ओसरल्याने अनेक ठिकाणी निर्बंध शिथील करण्यात आले आहेत. त्यामुळे भाविकांची शिवमंदिरात गर्दी उसळली आहे. राज्यातील ज्योतीर्लिंग मंदिरासह प्रसिद्ध शिवमंदिरात भाविकांचा उत्साह दिसून येत आहे.
व्रत पद्धत आणि विधी
महाशिवरात्री दिवशी उपवास, पूजा व जागरण ही तीन अंगे आहेत. शिवरात्रीला रात्रीच्या चार प्रहरी चार पूजा कराव्या, अशी मान्यता आहे. त्यांना यामपूजा असे म्हणतात. प्रत्येक यामपूजेत देवाला अभ्यंगस्नान घालावे. बेल, पांढरी फुले व रुद्राक्षांच्या माळा शाळुंका व शिवपिंडीवर वाहाव्यात. धोत्रा व आंबा यांची पत्रीही या पूजेत वाहतात. तांदळाच्या पिठाचे 26 दिवे करून त्यांनी शिवशंकराला ओवाळावे. पूजेच्या शेवटी 108 दिवे दान द्यावेत. प्रत्येक पूजेचे मंत्र वेगवेगळे असतात. ओम नम: शिवायसह शिवस्मरणात जागरण करावे. पहाटे स्नान करून पुन्हा पूजा करावी. शिवपिंडीला थंड पाणी, दूध किंवा पंचामृत यांनी स्नान घालतात. शिवाच्या पूजेत हळद-कुंकू वापरत नाहीत; भस्म वापरतात. शिवपूजेत पांढऱ्या अक्षता वापरतात. शिवाक्षाला तांदूळ, क्वचित गहू व पांढरी फुले वाहतात. शिवपिंडीला पूर्ण प्रदक्षिणा न घालता अर्धचंद्राकृती प्रदक्षिणा घालतात.
Mahashivratri 2022 : वेळापूर येथील पुरातन अर्धनारी नटेश्वर मंदिरात शिवरात्रीचा महाजागर
Mahashivratri 2022 : वेळापूर येथील पुरातन अर्धनारी नटेश्वर मंदिरात शिवरात्रीचा महाजागर
महत्त्वाच्या बातम्या
