Astrology: पुढचा आठवडा 'या' 5 राशींसाठी ठरणार शुभ; आदित्यमंगल राजयोगामुळे होणार धन लाभ, मिळणार यश

Astrology: नोव्हेंबरच्या येत्या आठवड्यात आदित्यमंगल राजयोगाचा प्रभाव राहणार आहे. राजयोगाच्या प्रभावामुळे मेषसह 5 राशींच्या लोकांची प्रगती होणार आहे आणि नव्या संधी प्राप्त होणार आहेत.

Lucky Zodiac Sign For Next Week

Weekly Astrology: नोव्हेंबरचा पुढील आठवडा, म्हणजेच 20 ते 26 नोव्हेंबर हा कालावधी सूर्य आणि मंगळच्या राशी परिवर्तनाने सुरू होईल. तसेच या काळात वृश्चिक राशीत सूर्य आणि मंगळाच्या एकाचवेळी भ्रमणामुळे आदित्यमंगल योगाचा प्रभाव राहील. सूर्य आणि मंगळसोबत बुध सुद्धा या आठवड्यात वृश्चिक राशीत राहून बुधादित्य योग तयार करत आहे. मात्र, बुध वृश्चिक राशीतून धनु राशीत प्रवेश करेल. अशा ग्रहस्थितींमध्ये, नोव्हेंबरचा हा आठवडा 5 राशीच्या लोकांसाठी प्रगती, आर्थिक लाभ आणि अनेक नवीन संधी घेऊन येईल. या लकी राशींबद्दल (Astrology) जाणून घेऊया.

मेष रास (Aries)

मेष राशीच्या लोकांना या आठवड्यात अनेक नवीन संधी मिळतील. तसेच, हा आठवडा तुमच्या करिअरच्या दृष्टीने खूप चांगला जाईल. तुम्हाला तुमच्या कामाच्या ठिकाणी काही सकारात्मक बातमी मिळण्याची शक्यता आहे. याशिवाय तुमची आर्थिक स्थितीही चांगली असेल. या आठवड्यात तुमची आर्थिक स्थिती सुधारत राहील.
तसेच हा आठवडा मालमत्तेशी संबंधित बाबींसाठी खूप चांगला राहील. तुम्ही जुनी मालमत्ता विकण्याचा विचार करत असाल तर हीच योग्य वेळ आहे. याशिवाय हा आठवडा गुंतवणुकीसाठीही उत्तम असणार आहे.

कर्क रास (Cancer)

कर्क राशीच्या लोकांसाठी आठवड्याची सुरुवात नवीन संधींनी होईल. नोकरीच्या ठिकाणी काही नवीन संधी मिळू शकतात. व्यवसायिकांना भागीदाराच्या मदतीने व्यवसायाच्या नवीन संधी दिसतील. तसेच नोकरदार लोकांना त्यांच्या वरिष्ठांचं सहकार्य मिळेल. त्यांच्या मदतीने तुमची सर्व कामं सुरळीतपणे पूर्ण होतील. तुम्हाला तुमच्या जोडीदाराकडूनही पूर्ण सहकार्य मिळेल. या राशीचे लोक जे परदेशात जाण्याचा विचार करत आहेत त्यांना इच्छित आणि सकारात्मक परिणाम पाहायला मिळतील.

कन्या रास (Virgo)

कन्या राशीच्या लोकांसाठी हा आठवडा आनंद देईल. तसेच, तुमची उद्दिष्टे साध्य करण्यासाठी तुम्ही खूप तत्पर असाल. नोकरदार लोकांच्या जीवनात स्थिरता येईल. तथापि, तुम्हाला अतिरिक्त जबाबदाऱ्या देखील दिल्या जाऊ शकतात. या जबाबदाऱ्यांमुळे कामाच्या ठिकाणी तुमचा प्रभाव वाढेल. या काळात तुम्हाला तुमच्या भावंडांकडून आर्थिक मदत मिळण्याची शक्यता आहे. तुमच्या कुटुंबातील सदस्य तुम्हाला पूर्ण पाठिंबा देतील. तसेच, कुटुंबात कोणतेही सामाजिक कार्य निघू शकते. विद्यार्थ्यांनाही या आठवड्यात चांगले निकाल पाहायला मिळतील.

तूळ रास (Libra)

तूळ राशीच्या लोकांसाठी हा आठवडा प्रगतीचा ठरेल. या आठवड्यात तुम्ही तुमच्या घरात काही नूतनीकरणाची योजना आखू शकता. आठवड्याच्या मध्यात तुम्ही तुमच्या व्यावसायिक क्षेत्रात सक्रियपणे तयार व्हाल. तुमची सर्जनशीलता शिखरावर असेल आणि तुम्ही समस्या सोडवण्यासाठी नवीन मार्गांचा अवलंब कराल.कन्सल्टन्सी व्यवसायाशी संबंधित लोकांना जास्तीत जास्त फायदा मिळेल. तुम्ही नवीन मालमत्तेत गुंतवणूक करण्याची योजना आखू शकता आणि कर्ज मिळवण्यासाठी हा आठवडा अनुकूल आहे. कौटुंबिक वातावरण आनंदी राहील. या आठवड्यात अपत्यप्राप्तीची आशा असलेल्या जोडप्यांना आशीर्वाद मिळू शकतो.

मीन रास (Pisces)

मीन राशीच्या लोकांसाठी हा आठवडा कौशल्य आणि प्रगती आणेल. तसेच, तुम्हाला नवीन नोकरीच्या संधी मिळतील. वरिष्ठांकडून प्रशंसा मिळेल, ज्यामुळे तुम्हाला तुमच्या करिअरमध्ये खूप चांगल्या संधी मिळू शकतात. याशिवाय तुमची आर्थिक स्थितीही चांगली राहील. या आठवड्यात गुंतवणुकीच्या मदतीने तुम्ही भरपूर आर्थिक लाभ मिळवू शकता. याशिवाय तुमचे वैवाहिक जीवनही चांगले राहील. तुमच्या जोडीदाराशी तुमचा ताळमेळ चांगला राहील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: