Budget 2023 Astrology : अर्थमंत्र्यांनी अर्थसंकल्पाला का म्हटले अमृत काळातील बजेट? काय आहे अमृत काळ? ज्योतिषशास्त्रानुसार जाणून घ्या
Budget 2023 Astrology : अर्थमंत्री निर्मला सीतारमण आज संसदेत 2023 चा अर्थसंकल्प मांडताना त्या म्हणाल्या की, हा अमृत काळातील अर्थसंकल्प आहे. ज्योतिषशास्त्रानुसार, काय आहे अमृत काळ? जाणून घ्या
Budget 2023 Astrology Meaning Of Amrut Kaal : आज 2023 चा अर्थसंकल्प सादर करताना अर्थमंत्री निर्मला सीतारमण (Nirmala Sitaraman) म्हणाल्या की, हा 'अमृत काळातील' अर्थसंकल्प आहे. यावेळी अर्थमंत्र्यांनी अर्थसंकल्पात फक्त अमृत काळाचा उल्लेख का केला? भारतीय ज्योतिषात अमृत काळचे महत्त्व काय आहे. समुद्रमंथनातून भगवान धन्वंतरी यांच्यासोबत अमृत प्रकट झाले हे आपणा सर्वांना माहित आहे. यासाठी देव आणि असुर यांच्यात संघर्ष झाला. कारण दोघांनाही त्यावर अधिकार हवा होता. कारण या अमृतामुळे मृत प्राणी देखील पुन्हा जीवन मिळवू शकतात. म्हणूनच अमृताला उत्तम स्थान मिळाले आहे. त्याचप्रमाणे ज्योतिष शास्त्रामध्ये अमृत काळालाही खूप महत्त्व आहे, जो सर्वकाळात सर्वोत्तम आणि शुभ मानला जातो. यामुळेच अर्थमंत्री निर्मला सीता रमण यांनी 2023 च्या अर्थसंकल्पाचे वर्णन अमृत काळातील बजेट असे केले आहे. यावरून या अर्थसंकल्पाला तसेच अर्थव्यवस्थेला नवसंजीवनी देणारे असे वर्णन करण्याचा सरकारचा प्रयत्न आहे.
अमृत काळ म्हणजे काय?
अमृत काळ हा शब्द मूळचा वैदिक ज्योतिषातील शब्द आहे. कोणताही उपक्रम किंवा काम सुरू करण्यासाठीची योग्य वेळ म्हणजेच अमृत काळ असे म्हटले जाते. कोणत्याही मोठ्या यशाला गवसणी घालायची असेल तर त्यासाठी प्रयत्न करण्याची योग्य वेळ म्हणजेच अमृत काळ म्हटले जाते.
ज्योतिषशास्त्रात अमृत काळ सर्वात शुभ का आहे?
अमृतकाळात चौघडियामध्ये गाय ही सर्वश्रेष्ठ आणि शुभ मानली जाते. या काळात कोणतेही शुभ कार्य सुरू करता येते. यावेळी, पूजा आणि धार्मिक कार्यांचे आयोजन विशेषतः फलदायी आहे. अमृत काळमध्ये कोणतेही काम केले तरी त्यात यश मिळण्याची शक्यता जास्त असते. म्हणूनच सर्व चोघड्यांमध्ये अमृत काळ शुभ मानला जातो. यानंतर लाभ चौघडिया देखील फायदेशीर मानला जातो. याशिवाय शुभ चौघडियामध्ये शुभ कार्य होण्याची अधिक शक्यता आहे. चल चौघडियामध्ये वाहन आणि मालमत्तेचे काम करणे शुभ मानले जाते.
ज्योतिषशास्त्रात अमृत काळ कसा ठरवला जातो?
ज्योतिषशास्त्रात दिवस आणि रात्र म्हणजेच 24 तास हे 16 कालखंडात विभागले गेले आहेत. हिंदू पंचांग आणि ज्योतिषानुसार जेव्हा मुहूर्त नसल्यास कोणतेही कार्य शीघ्र आरंभ करायचे असल्यास किंवा प्रवासावर जायचं असल्यास चौघडिया मुहूर्त बघून कार्य करणे उत्तम ठरतं. चौघडिया मुहूर्त ज्योतिष्यामधील एक अशी पद्धत आहे, ज्यात खगोलशास्त्रीय स्थितीच्या आधारे दिवसाच्या 24 तासांची दशा कळते. दिवस आणि रात्रीचे आठ-आठ भागाचे एक चौघडिया असतं. अर्थात 12 तासाचा दिवस आणि 12 तासांची रात्र यात प्रत्येक 1.30 मिनिटाचा एका चौघडिया असतो. एका घाटात 22 मिनिटे 20 सेकंद असतात. प्रत्येक मुहूर्तावर चार घाटी असतात, म्हणून त्यांना चौघडिया म्हणतात. अशा प्रकारे सूर्योदयापासून सूर्यास्तापर्यंत दिवसभरात 8 मुहूर्त आणि नंतर रात्री 8 मुहूर्त असतात. दररोज सोमवार ते रविवार वेगवेगळ्या वेळी वेगवेगळ्या चौघडिया या क्रमाने येतात. चौघडिया सूर्योदयापासून प्रारंभ होतो. सातही वारांसाठी वेगवेगळे चौघडिया असतात.
लाभ चौघडिया (शुभ) 07:13 ते 08:38 पर्यंत
अमृत चौघडिया (शुभ) 08:38 ते 10:03 पर्यंत
काल चौघडिया (अशुभ) 10:03 ते 11:28 पर्यंत
शुभ चौघडिया (शुभ) 11:28 ते 12:53 पर्यंत
रोग चौघडिया (अशुभ) 12:53 ते 14:18 पर्यंत
उदवेग चौघडिया (अशुभ) 14:18 ते 15:43
चल चौघडिया (सर्वसाधारण) 15:43 ते 17:08 पर्यंत
लाभ चौघडिया (शुभ) 17:08 ते 18:33 पर्यंत
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर बातम्या
February Monthly Horoscope 2023: फेब्रुवारीत 'या' राशींचे भाग्य चमकेल, तुमच्यासाठी कसा असेल हा महिना?
महत्त्वाच्या बातम्या
