Astrology: तुम्ही सोन्याची अंगठी नेमकी कुठल्या बोटात  घालता? जर 'या' बोटात असेल, तर आजच काढून टाका, अन्यथा दारिद्र्य पाठ सोडणार नाही..

Astrology: ज्योतिषशास्त्र सांगते की, सोन्याची अंगठी बोटात घातल्याने नशीबही उजळते, पण जर चुकीच्या बोटात घातली तर तुम्हाला आयुष्यभर नकारात्मक परिणामांचा सामना करावा लागेल

Astrology marathi news which finger does wearing gold ring give auspicious and inauspicious results

Source : google

Astrology: सोन्याचे दागिने परिधान करायला तसं सर्वांनाच आवडतं. सोन्याचे दागिने म्हणजे वैभवतेचे प्रतीक समजले जाते. तसं सोन्याची अंगठी घालणे सामान्य आहे, पण तुम्हाला माहिती आहे का? सोन्याची अंगठी ही कोणत्या बोटात घालणे शुभ आहे? कोणत्या बोटात अशुभ? हिंदू धर्म आणि ज्योतिषशास्त्रानुसार पाहायला गेलं तर याचा खोल संबंध आहे. सोन्याचा संबंध सूर्य आणि गुरू ग्रहाशी आहे आणि तो जीवनात यश, आरोग्य आणि आध्यात्मिक प्रगती करण्यास मदत करतो, जाणून घेऊया, कोणत्या बोटात सोन्याची अंगठी घालल्याने शुभ आणि अशुभ परिणाम मिळतात?

जर चुकीच्या बोटात सोन्याची अंगठी घातली तर.. 

जर तुम्ही सोन्याची अंगठी घातली तर ती फक्त एक अलंकार मानू नका. ज्योतिषशास्त्र सांगते की ती सोन्याची अंगठी घातल्याने नशीबही उजळते, पण जर चुकीच्या बोटात घातली तर तुम्हाला आयुष्यभर नकारात्मक परिणामांचा सामना करावा लागेल

तर्जनी (मधलं बोट आणि अंगठा यांच्या मधील बोट) 

जर तुम्हाला तुमच्या व्यक्तिमत्त्वात आत्मविश्वास, बुद्धिमत्ता आणि अध्यात्म वाढवायचे असेल, तर तर्जनीमध्ये सोन्याची अंगठी घालणे फायदेशीर आहे, कारण ते ज्ञान आणि नेतृत्वासाठी सर्वोत्तम मानले जाते. ही बोट गुरु ग्रहाशी संबंधित आहे, जो गुरु आणि ज्ञानाचे प्रतीक आहे.

मधलं बोट

ज्योतिषशास्त्रानुसार, मधलं बोट हे शनिदेवाशी संबंधित मानले जाते, तर सोने सूर्याशी संबंधित आहे. सूर्य आणि शनि यांच्यातील परस्पर संबंध तणावपूर्ण आहेत, म्हणून या बोटावर सोन्याची अंगठी धारण केल्याने संघर्ष, अडथळा आणि नकारात्मक ऊर्जा वाढू शकते. म्हणून, चुकूनही या बोटावर ती घालू नका.

अनामिका (करंगळीपेक्षा थोडे लांब)

अनामिका हे बोट हाताच्या सर्वात लहान बोटापेक्षा म्हणजे करंगळीपेक्षा थोडे लांब असते. या बोटावर सोन्याची अंगठी घालणे सर्वात शुभ मानले जाते. ही बोट सूर्य आणि शुक्र ग्रहाशी संबंधित आहे, ज्यामुळे आकर्षण, सर्जनशीलता, प्रसिद्धी आणि नेतृत्व क्षमता वाढते. लग्नानंतर, महिला अनेकदा या बोटावर अंगठी घालतात, जी एक शुभ चिन्ह आहे.

अंगठा

अंगठ्यामध्ये सोन्याची अंगठी घालणे ही शक्ती, आत्मविश्वास आणि नियंत्रणाचे प्रतीक आहे, परंतु सावधगिरी बाळगणे आवश्यक आहे. परंतु ती दीर्घकाळ धारण केल्याने व्यक्तीमध्ये अहंकार, हट्टीपणा आणि राग यासारख्या प्रवृत्ती वाढू शकतात. म्हणून, ती मर्यादित काळासाठीच घालावी.

लहान बोट (करंगळी)

करंगळी हा बुधाशी संबंधित आहे, जे संवाद, बुद्धिमत्ता, तर्क आणि व्यवसायाचे प्रतीक आहे. जर एखाद्या व्यक्तीला संभाषणात प्रवीण व्हायचे असेल किंवा त्याचे काम बोलणे, लिहिणे किंवा व्यवसायाशी संबंधित असेल, तर करंगळीत सोन्याची अंगठी घालणे फायदेशीर ठरू शकते. या बोटात ती धारण केल्याने निर्णय घेण्यामध्ये स्पष्टता येते.

या गोष्टी देखील जाणून घ्या

• ज्योतिषशास्त्रानुसार, विशेषतः पुरुषांसाठी उजव्या बाजूल सोने घालणे नेहमीच शुभ मानले जाते, त्याच वेळी, महिला दोन्ही हातात ते घालू शकतात.
• सोन्याची अंगठी घालताना 'ओम ह्रीं बृहस्पतेय नमः' या मंत्राचा जप केल्याने शुभ परिणाम मिळतात.
• अंगठी घालण्याचा शुभ दिवस गुरुवार मानला जातो, परंतु योग्य आणि पात्र ज्योतिषी किंवा पंडितांच्या सल्ल्याने, रविवार आणि इतर दिवशी (शनिवार वगळता) देखील ती घातली जाते. 

हेही वाचा :

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)