Mangal Dosh: कुंडलीमध्ये मंगळ दोष का तयार होतो? जाणून घ्या त्याचा राशींवर काय परिणाम होतो?
Mangal Dosh: ज्योतिषशास्त्रानुसार, एखाद्या कुंडलीत मंगळ अशुभ स्थितीत असेल तर व्यक्तीला अनेक अडचणींचा सामना करावा लागतो.
Mangal Dosh: ज्योतिषशास्त्रात मंगळ हा ऊर्जा, जमीन, सामर्थ्य, धैर्य, पराक्रम आणि पराक्रमाचा कारक मानला जातो. कुंडलीत मंगळाची स्थिती चांगली असेल, तर ती व्यक्ती स्वभावाने निर्भय आणि साहसी असते, परंतु एखाद्या कुंडलीत मंगळ अशुभ स्थितीत असेल तर व्यक्तीला अनेक अडचणींचा सामना करावा लागतो. काही वेळेस, मंगळाला क्रूर ग्रह देखील म्हटले जाते. जर कुंडलीत मंगळ असेल तर त्या व्यक्तीला अनेक गंभीर समस्यांना सामोरे जावे लागते.
मंगळ कमकुवत असेल तर..
कुंडलीत मंगळ कमकुवत असेल तर व्यक्तीला अनेक समस्या निर्माण होतात. याच्या प्रभावामुळे एखादी व्यक्ती अपघातालाही बळी पडू शकते. कौटुंबिक जीवनात अनेक समस्यांना सामोरे जावे लागते. शत्रूंकडून पराभव, जमिनीचे वाद, कर्ज अशा समस्याही व्यक्तीसमोर येतात. मंगल दोष असेल तर विवाहही सहजासहजी होत नाही.
कुंडलीमध्ये कसा बनतो मंगळ दोष?
ज्योतिषशास्त्रानुसार कोणत्याही व्यक्तीचा मांगलिक दोष त्याच्या कुंडलीतील मंगळाच्या स्थितीवर अवलंबून असतो. कुंडलीत पहिल्या, चतुर्थ, सातव्या, आठव्या आणि बाराव्या भावात मंगळ बसला असेल तर या स्थितीमुळे मांगलिक दोष निर्माण होतो. मंगळ दोषाचा वैवाहिक जीवनावर परिणाम होतो. त्यामुळे लग्नात उशीर होऊन अनेक प्रकारचे अडथळेही येतात.
मंगळ दोष दूर करण्याचे उपाय
मंगळ पीडित असल्यास व्यक्तीचा स्वभाव क्रोधित होतो. या व्यक्तींना जीवनात अनेक चढउतारांना सामोरे जावे लागते. त्याचा प्रभाव कमी करण्यासाठी व्यक्तीने मंगळ दोषाचे उपाय करावेत. यासाठी मंगळवारी व्रत करा आणि दररोज हनुमान चालिसाचे पठण करा. याशिवाय मंगळाच्या मंत्रांचा जप करणेही तुमच्यासाठी फायदेशीर ठरेल.
मंगळ वैदिक मंत्र
ॐ अग्निमूर्धा दिव: ककुत्पति: पृथिव्या अयम्।
अपां रेतां सि जिन्वति।।
मंगळाचा तांत्रिक मंत्र -
ॐ अं अंङ्गारकाय नम:
मंगळचा बीज मंत्र -
ॐ क्रां क्रीं क्रौं सः भौमाय नमः
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. यासाठी संबंधित तज्ज्ञाचा सल्ला घ्यावा.)
महत्वाच्या बातम्या :
महत्त्वाच्या बातम्या
ट्रेंडिंग न्यूज
