Astro Tips : रविवार की शनिवार? केसांना तेल लावण्याचा शुभ दिवस नक्की कोणता? शास्त्र सांगते...

Astro Tips : ज्योतिष शास्त्रात ज्याप्रमाणे केस कापण्याचे काही नियम आहेत त्याचप्रकारे केसांना तेल लावण्याच्या शुभ दिवसांबद्दल सांगण्यात आलं आहे.

Astro Tips

Source : ABP Web Team

Astro Tips : खरंतर, केसांना (Hair) तेल लावणं ही फार सामान्य बाब आहे. केसांना तेल (Oil) लावल्याने आपलं आरोग्य स्वस्थ राहते तसेच केस घनदाटही दिसतात. अंघोळीनंतर पुरुष तर केसांना तेल लावतातच. पण, महिला मात्र आठवड्यातून दोनदा केसांना तेल लावतात. केसांव्यतिरिक्त तेल लावल्याने शरीराला सुद्धा फायदा होतो. तसेच, जर तुमची त्वचा कोरडी असेल तर त्यावरही तेल उत्तम काम करतं. मात्र, ज्योतिष शास्त्रात (Astro Tips) केसांना तेल लावण्याच्या संबंधित काही नियम सांगण्यात आले आहेत. 

मात्र, ज्योतिष शास्त्रात केसांना तेल लावण्याच्या संबंधित काही नियम सांगण्यात आले आहेत. ज्याप्रमाणे केस कापण्याचे काही नियम आहेत त्याचप्रकारे केसांना तेल लावण्याच्या शुभ दिवसांबद्दल सांगण्यात आलं आहे. या नियमांचं जर तुम्ही पालन केलं तर तुम्हाला पैशांची कधीच कमतरता भासणार नाही आणि तुमच्यामागे येणारे संकटही कमी होतील. 

'या' दिवशी केसांना तेल लावू नये...

मंगळवार - जर तुम्ही मंगळवारी केसांना तेल लावण्याचा विचार करत असाल तर संकटं तुमचा कधीच पाठलाग सोडणार नाहीत. तसेच, तुमच्यामागे एका मागोमाग एक संकटं येतच राहतील. 

शुक्रवार -  शुक्रवारच्या दिवशी केसांना तेल लावल्याने तुमच्या प्रत्येक कामात नुकसान होईल. इतकंच नव्हे तर कधी कधी तुमचं सर्व नियोजित केलेलं प्लॅन विस्कटण्याची देखील शक्यता असेल. 

गुरुवार -  जे लोक गुरुवारी केसांना तेल लावतात त्यांच्या सुख-समृद्धीत वाढ होत नाही. तसेच, अशा लोकांची आर्थिक स्थितीही बिघडते. 

रविवार - अनेकदा लोक सुट्टीच्या दिवशी किंवा रविवारी केसांना तेल लावणं पसंत करतात. मात्र, धार्मिक मान्यतेनुसार, असं करु नये. रविवारी केसांना तेल लावल्याने तुमचं आर्थिक नुकसान तर होतंच पण त्याचबरोबर घरात रोगराई पसरते. 

पण, तुम्हाला प्रश्न पडला असेल की, केसांना तेल लावण्याचा नक्की शुभ दिवस कोणता? तर, हिंदू मान्यतेनुसार, प्रत्येक दिवस हा कोणत्या ना कोणत्या देवाला समर्पित आहे. पण, त्यातच बोलायचं झालं तर, सोमवारचा दिवस हा केसांना तेल लावण्यासाठी शुभ मानण्यात आला आहे. या दिवशी केसांना तेल लावल्याने केसांची सुंदरता वाढते. तर, बुधवारी तेल लावल्याने सौभाग्यात चांगली वाढ होते. तर, शनिवारच्या दिवशी जी व्यक्ती तेल लावते त्यांच्या घरात सुख-समृद्धी नांदते. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :