Ashadhi Ekadashi 2024 : आषाढी एकादशीला करा 'हे' 5 उपाय; जीवनातील सारे दु:ख झटक्यात होतील दूर, विठुरायाचा लाभेल प्रत्येक टप्प्यावर आशीर्वाद
Ashadhi Ekadashi 2024 : आषाढी एकादशीलाच देवशयनी एकादशी म्हणतात. भगवान विष्णूला ही तिथी समर्पित आहे. या दिवशी एकादशी तिथीनंतर भगवान विष्णू निद्रावस्थेत जातात तेव्हाच चातुर्मासाला सुरुवात होते.
Ashadhi Ekadashi 2024 : आज आषाढी एकादशीचा (Ashadhi Ekadashi) दिवस. हिंदू पंचांगानुसार,आषाढी एकादशीची तिथी ही फार पवित्र मानली जाते.आषाढी एकादशीलाच देवशयनी एकादशी असं देखील म्हणतात.हा वारकरी संप्रदायाचा सर्वात मोठा उत्सव आहे.या दिवसापासूनच चातुर्मासाला सुरुवात होते.
आषाढी एकादशीलाच देवशयनी एकादशी म्हणतात. भगवान विष्णूला, विठ्ठलाला ही तिथी समर्पित आहे. या दिवशी एकादशी तिथीनंतर भगवान विष्णू निद्रावस्थेत जातात तेव्हाच चातुर्मासाला सुरुवात होते. याचाच अर्थ, देव पुढचे चार महिने निद्रा घेतात. त्यामुळे या काळात कोणतेही शुभ कार्य केले जात नाही.
आषाढी एकादशीनिमित्त काही उपाय केल्याने आयुष्य अधिक सोपं जगता येतं.
सुख-समृद्धीसाठी करा 'हे' उपाय
जर तुमच्या कुटुंबात सुख, शांती, समृद्धी नांदावी असं तुम्हाला वाटत असेल तर आजच्या दिवशी विठ्ठलाच्या मूर्तीचा जलाभिषेक करा. यामुळे विठ्ठलाबरोबरच देवी लक्ष्मीची देखील कृपा राहील. तसेच, तुमच्या घरात सुख-समृद्धी नांदेल.
वैवाहिक जीवन सुखी राहण्यासाठी करा 'हे' उपाय
आषाढी एकादशीच्या दिवशी पहाटे स्नान केल्यानंतर स्वच्छ कपडे परिधान करा. तसेच, तुळशीच्या रोपाची पूजा करा. यावेळी तुमच्या सुखी वैवाहिक जीवनासाठी प्रार्थना करा. यामुळे तुमचं वैवाहिक जीवन सुखी राहील.
आर्थिक तंगी दूर करण्यासाठी करा 'हे' उपाय
एकादशीच्या दिवशी पूजेच्या वेळी एक रुपयाचं नाणं विठ्ठलाच्या फोटोजवळ ठेवा. पूजा केल्यानंतर नाण्याला लाल रंगाच्या कापडात बांधून तिजोरीत ठेवा. यामुळे भगवान विष्णूसह तुमच्यावर देवी लक्ष्मीची देखील विशेष कृपा असणार आहे. तसेच, घरात धन-धान्याची देखील कमी भासणार नाही.
जीवनातील समस्या दूर करण्यासाठी 'हे' उपाय करा
आषाढी एकादशीच्या दिवशी विठ्ठलाला केसरच्या दुधाने अभिषेक करा. असं केल्याने सर्व पापांपासून मुक्ती मिळते. त्याचबरोबर जीवनातील सर्व समस्या दूर होतात अशी मान्यता आहे.
इच्छेनुसार विवाह होण्यासाठी 'हे' उपाय करा
जर तुमच्या वैवाहिक जीवनात अनेक अडचणी येत असतील तर आषाढी एकादशीच्या दिवशी स्नान केल्यानंतर विठ्ठलाला नमन करा. विठ्ठल नामाचा गजर करा. तुमचं वैवाहिक जीवन सुखी होईल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
Shani Dev : ना सहा महिने, ना अडीच वर्ष शनीच्या महादशेचा प्रभाव असतो तब्बल 19 वर्ष; 'हे' उपाय ठेवतील सर्व त्रासांपासून दूर
महत्त्वाच्या बातम्या
ट्रेंडिंग न्यूज
