Sheep Farming : कमी खर्चात अधिक उत्पन्न, मेंढीपालनातून साधा आर्थिक उन्नती; कशी कराल सुरुवात?
तुम्हाला जर कमी खर्चात अधिक नफा मिळवायचा असेल तर मेंढीपालनाचा व्यवसाय (Sheep Farming) तुम्ही करु शकता. यामाध्यमातून तुम्ही आर्थिक प्रगती साधू शकता.
Sheep Farming : भारत हा कृषिप्रधान देश आहे. येथील बहुतांश लोकसंख्या ही शेती आणि शेती संबधीत कामांवर अवलंबून आहे. अनेक शेतकरी शेतील जोडधंदा म्हणून पशुपालन करतात. यामाध्यमातून देखील शेतकरी चांगला नफा मिळवतात. तुम्हाला जर कमी खर्चात अधिक नफा मिळवायचा असेल तर मेंढीपालनाचा व्यवसाय (Sheep Farming) तुम्ही करु शकता. यामाध्यमातून तुम्ही आर्थिक प्रगती साधू शकता. वाचा मेंढीपाल व्यवसायाबद्दल सविस्तर...
देशातील अनेक शेतकरी मोठ्या प्रमाणात पशुपालन करतात. ज्यामध्ये गाय, म्हशीपासून शेळी, उंट यांचा समावेश आहे. दुग्ध व्यवसायासाठी या प्राण्यांचे संगोपन केले जाते. पण असाही एक प्राणी आहे जो दुधासाठी नाही तर लोकर मिळवण्यासाठी पाळला जातो. मेंढीपालन हा चांगला नफा मिळवून देणारा व्यवसाय आहे. देशातील अनेक भागात मेंढ्या पाळल्या जातात.
भारतातील बहुतांश भागात मेंढीपालन केले जाते. जेव्हा तुम्ही मेंढीपालन सुरू करता तेव्हा तुम्ही मेंढ्यांच्या सुधारित प्रजाती निवडाव्यात, जेणेकरून तुम्हाला अधिक दूध आणि लोकर मिळू शकेल. मालपुरा, जैसलमेरी, मंडिया, मारवाडी, बिकानेरी, मारिनो, कॉर्डिलेरा माबुटू, छोटा नागपुरी आणि शहााबाद या भारतातील मेंढ्यांच्या जातीचे उत्पन्न मिळवते.
कशी कराल मेंढ्यांची देखभाल
मेंढीपालनातून चांगले पैसे कमवायचे असतील तर त्यांच्या स्वच्छतेकडे आणि आरोग्याकडे पूर्ण लक्ष दिले पाहिजे. अनेक शेतकरी मेंढ्यांना कळपाने चरायला नेतात. काहीजण तर बाहेरगावी नेतात. मेंढ्यांचे आयुष्य साधारणतः 7 ते 8 वर्षाचे असते. या काळात मेंढीच्या लोकरीतून पशुपालकांना चांगला नफा मिळू शकतो.
मेंढीपालन सुरु करण्यासाठी किती खर्च?
15 ते 20 मेंढ्यांचे पशुपालन करायचे असेल तर जातीनुसार एका मेंढीची किंमत तीन हजार ते आठ हजार रुपयांपर्यंत असू शकते. 20 मेंढ्या खरेदी करण्यासाठी सुमारे 1 लाख ते 1.5 लाख रुपये खर्च येतो. 20 मेंढ्यांसाठी 500 स्क्वेअर फूट स्टॅबल पुरेसे असेल. जे 30,000 ते 40,000 रुपये खर्चून बांधले जाऊ शकते.
महत्त्वाच्या बातम्या
