साहेब आम्ही मरायचं का? शेतकऱ्यांने कोथिंबीर फुकट वाटली, नाशिककरांची झुंबड

Nashik : शेतकऱ्याला नाशिकमध्ये कोथिंबीर फुकट वाटण्याची वेळ आली आहे. सरकारला जाग तरी केव्हा येणार असा सवाल या शेतकऱ्याने केला आहे. 

Coriander

Nashik Latest Marathi News : एकीकडे कांद्याला भाव मिळत नसल्याने शेतकरी संतप्त झाला आहे. दुसरीकडे एकही भाजीपाल्याला भाव नसल्याने शेतकरी मेटाकुटीला आला आहे. अशातच नाशिकमध्ये शेतकऱ्याला कोथिंबीर फुकट वाटण्याची वेळ आली आहे. सरकारला जाग तरी केव्हा येणार असा सवाल या शेतकऱ्याने केला आहे. 

गेल्या अनेक दिवसांपासून कांदा दर घसरल्याने शेतकरी संतप्त असून दुसरीकडे सरकार वारंवार आश्वासन देत असल्याने शेतकरी आर्थिक अडचणीत सापडला आहे विधान भवनात देखील याचे पडसाद उमटल्याचे दिसून आले. दुसरीकडे कांद्याला कांद्याला भावच नसल्याने अनेक शेतकऱ्यांनी कांदा पिकावर नांगर फिरवल्याचे देखील दिसून आले. कांद्याबरोबर इतर पीक घेणारा शेतकरी मेटाकुटीला आला आहे. लागवड केलेल्या पिकातून उत्पादन खर्च तर सोडाच पण मालाचा वाहतूक खर्च देखील निघत नाही. अशात एक भाव मिळत नसल्याने शेतकऱ्याने नाशिक शहरातील दिंडोरी नाका परिसरात कोथिंबीर फुकट वाटली आहे.

लोक गाड्या थांबून कोथिंबीर घेत आहेत फुकट वाटत असल्याने कोथंबीर घेण्यासाठी लोकांची झुंबड उडालेली दिसून येत आहे भाजी फुकट द्यायची वेळ आलेली आहे. शेतकरी जर जगला तर सगळे लोक जगतील. मध्यमवर्गीय असतील, मोठे लोक असतील, गोरगरीब असतील सगळे शेतीमालावर अवलंबून आहे. मात्र जर कचऱ्यापेक्षा वाईट परिस्थिती जर शेती मालाची आहे. त्यामुळे आज रस्त्यावर आम्हाला यायची वेळ आली आहे. शेतकऱ्यांना तिथे बाजार समिती रेट देत नाही. एक रुपया दोन रुपये भाव भेटला आहे. आम्ही 40 किलोमीटरवरून येऊन भाजीला भाव मिळत नसेल तर शेतकऱ्याने मरायचे का? असा आर्त सवाल या शेतकऱ्याने उपस्थित केला आहे.

दिंडोरी तालुक्यातील जोपुळ येथील हे शेतकरी होते या शेतकऱ्याने आज शेतातील कोथंबीर काढून व्यापाऱ्याकडे विक्रीसाठी आणलेली होती. मात्र योग्य भाव न मिळाल्याने बाजार समितीच्या बाहेरच रस्त्यावर फुकट वाटण्यास सुरुवात केली. शेतकऱ्याच्या म्हणण्यानुसार लागवडीचा खर्च मजूर खर्च गाडी भाड्याचा खर्च हे सगळे पकडून आज कोथिंबीरीला एक रुपया जुडीचा भाव मिळाला. यावेळी रस्त्यावर रस्त्यावर उभे राहून या शेतकऱ्याने कोथिंबीरीच्या जुड्या फुकट वाटण्यास सुरुवात केली. यावेळेस यावेळी रस्त्यावरून जाणाऱ्या नागरिकांनी गाड्या थांबवत कोथिंबिरीच्या जुड्या घेण्यास सुरुवात केली. 

एक रुपये जुडी ....

शेतकऱ्याने साधारण हजारहून अधिक जुड्या या कोथिंबीरीच्या आणल्या होत्या मात्र एका जोडी मागे केवळ एक रुपया भाव मिळाल्याने त्या सर्व जुन्या त्याने रस्त्यावर वाटून दिल्या. यावेळी नागरिकांची एकच झुंबड उडाल्याचे पाहायला मिळाले.