भारत आणि अफगाणिस्तान यांच्यातील सामन्यापेक्षा विराट कोहली आणि नवीन उल हक यांच्या वादाची चर्चा रंगली होती.
सामन्यादरम्यान या दोन खेळाडूंचा सामना झाल्यानंतर काय स्थिती होईल, अशी चर्चा सुरु होती.
पण मैदानात या दोन खेळाडूंनी गळाभेट घेऊन वाद संपल्याचे चाहत्यांना सांगितले.
आयपीएल सामन्यादरम्यान या दोन खेळाडूंमध्ये बाचाबाची झाली होती.
या वादाचे फोटो सोशल मिडीयावर व्हायरल झाले होते.
विराट कोहली फंलदाजीला आल्यानंतर चाहत्यांनी नवीन उल हक याला डिवचण्याचा प्रयत्न केला.
विराट कोहली याने मोठेपणा दाखवत नवीनला डिवचणाऱ्या प्रेक्षकांना शांत केले.
या दोघांच्या गळाभेटीचा फोटो सोशल मीडियावर व्हायरल झाला आहे.
विराट कोहलीचे चाहते याची चर्चा करत आहेत.
आयपीएल 2023 च्या झालेल्या रॉयल चॅलेंजर्स आणि लखनौ सुपर जायंट्स यांच्यातील सामन्यात लखनौकडून खेळताना नवीन विराट कोहलीशी भरमैदानात भिडला होता.