कोकण हे महाराष्ट्रातलं खूप सुंदर असं ठिकाण आहे. कोकणातील डोंगर, समुद्र आणि हिरवळीसाठी खास तो ओळखला जातो.

कोकणातील प्रसिद्ध हापूस आंब्यांची तर आपण दरवर्षी आतुरतेने वाट पाहतो.

कोकणात गणपतीपुळे, गुहागर, मालवण, तारकर्ली असे सुंदर समुद्रकिनारे आहेत.

कोकणात मासे, भात, सोलकढी, उकडीचे मोदक, आणि घावन यांसारखे पारंपरिक आणि चविष्ट जेवण मिळतं.

कोकणातील शिमगा आणि गणेशोत्सव पाहण्यासारखा असतो.

छत्रपती शिवाजी महाराजांनी बांधलेले सिंधुदुर्ग , विजयदुर्ग सारखे किल्ले पाहण्यासारखे आहेत.

कोकणात पारंपरिक गाणी, फुगडी, पोवाडा आणि दशावतार तर पाहण्यासारखा असतोच पण विशेषत: या ठिकाणी केला जाणारा 'बाल्या डान्स' खास असतो.

कोकणात डोंगर, धबधबे, हिरवळ आणि पक्षी-प्राणी भरपूर आहेत. असं म्हणतात मनाची शांती हवी असेल तर कोकणात जावं.

कोकणात मातीची घरे, कौलांचे छप्पर, शेणाने सारवलेली घरे असतात. इथल्या मातीचा ओलावा आपल्याला हवाहवासा वाटतो.

कोकण एकदा पाहिलं की पुन्हा-पुन्हा कोकणात जाण्याची इच्छा होतेच.