आज शेअर बाजारात किंचित उसळीसह सुरुवात झाली आहे.

सेन्सेक्स 60700 पार, तर निफ्टी 18 हजारांवर पोहोचला आहे. भारतीय बाजारावर जागतिक बाजाराचा काही खास परिणाम दिसत नाही.

आज शेअर बाजारात BSE सेन्सेक्स 60.31 अंकांच्या वाढीसह 60,716 वर उघडला आहे.

NSE चा निफ्टी 21 अंकांच्या किंचित वाढ म्हणजेच 0.12 टक्क्यांनी 18,074 वर उघडला.

आज बाजारात रिलायन्स इंडस्ट्रीजच्या शेअर्समध्ये घसरण होताना दिसत आहे.

सध्या शेअर बाजार हळूहळू तेजीत येत आहेत. सेन्सेक्स सध्या 211.52 अंकांनी म्हणजेच 0.35 टक्क्यांनी वाढून 60867.24 वर पोहोचला आहे.

निफ्टी 58 अंकांनी म्हणजेच 0.32 टक्क्यांनी वाढून 18111.30 वर पोहोचला आहे.

आज सुरुवातीच्या सत्रात टाटा स्टीलच्या शेअर्समध्ये 1.80 टक्क्यांनी आणि एचडीएफसी बँक 1.36 टक्क्यांनी वाढ झाली आहे.

विप्रोमध्ये 1.16 टक्के आणि एचसीएल टेक 0.92 टक्क्यांनी उसळी घेतवी आहे.

कोटक महिंद्रा बँक 0.88 टक्क्यांनी आणि एचडीएफसी 0.73 टक्क्यांच्या वाढीसह व्यवहार करत आहे.

याशिवाय बजाज फायनान्स, टायटन, आयटीसी, सन फार्मा, भारती एअरटेल, एशियन पेंट्स, इंडसइंड बँक, एनटीपीसी, बजाज फिनसर्व्ह, पॉवरग्रीड, टेक महिंद्रा आणि ॲक्सिस बँक या शेअर्समध्येही वाढ दिसून येत आहे.