आगामी शैक्षणिक वर्षापासून मुंबईसह राज्यात स्कूल बसच्या दरात वाढ होणार आहे.

त्यामुळे पालकांना महागाईची अधिक झळ बसणार आहे.

सरकारचे नवे नियम, पालकांकडून सुरक्षिततेची अपेक्षा आणि त्यासाठी करावा लागणारा खर्च, त्यासोबतच कर्मचाऱ्यांची पगार वाढ या सगळ्यांचा विचार करून हा निर्णय घेतला असल्याचे स्कूल बस मालक संघटनांनी म्हटले आहे.

स्कूल बस मालकांनी भाडेवाढ करण्याचा निर्णय घेतला असताना अनधिकृतपणे चालणाऱ्या स्कूल बसेसवर सरकारने कारवाई करावी अशी विनंती सुद्धा स्कूल बस मालक संघटनेकडून करण्यात आली आहे.

मागील काही महिन्यांपासून स्कूल बस मालकांना इंधन दरवाढीचा मोठा फटका बसला आहे.

इंधनदरात वाढ, पार्किंग शुल्क दुप्पट झाल्याने स्कूल बसच्या मालकांना अतिरिक्त आर्थिक भार सहन करावा लागत आहे.

परिणामी बस देखभालचा खर्चात वाढ झाली आहे.

यामुळे स्कूल बसच्या शुल्कात 18 % वाढ होणार आहे.

या नव्या नियमामुळे पालकांच्या खिशाला मात्र कात्री लागणार आहे.