केंद्रीय गृहमंत्री अमित शाह यांनी आज छत्रपती शिवाजी महाराजांच्या 345 व्या पुण्यतिथीनिमित्त रायगडावर जाऊन शिवरायांना वंदन केले.

कवड्यांची माळ आणि शिंदेशाही पगडी देऊन अमित शाहांचा सन्मान करण्यात आला.

रायगडावर आयोजित कार्यक्रमात अमित शाह, देवेंद्र फडणवीस, अजित पवार, एकनाथ शिंदे, उदयनराजे भोसले आदी उपस्थित होते.

यावेळी अमित शाह यांनी छत्रपती शिवाजी महाराजांचा गौरवशाली इतिहास सांगितला.

राजमाता जिजाऊंना मनःपूर्वक प्रणाम करतो, जिजाऊंनी छत्रपतींना फक्त जन्मच दिला नाही, तर त्यांनी अनेक गोष्टी शिकवल्या, असे अमित शाह म्हणाले.

चारही बाजूनं शत्रूंनी घेरलेला महाराष्ट्र हिंदवी स्वराज्यात बांधला गेला आणि दिल्ली ते अटकपर्यंत सीमा गेल्या आहेत.

रायगड केवळ पर्यटन स्थळ नव्हे तर प्रेरणा स्थळ तयार करणार आहोत, असेही अमित शाह यांनी म्हटले.

छत्रपती शिवाजी महाराजांना महाराष्ट्रापर्यंत मर्यादित ठेवू नका, असेही अमित शाह म्हणाले.