५ चमचे ग्लिसरीनमध्ये चमचाभर लिंबाचा रस घालून तयार केलेलं मिश्रण चेहऱ्याला, मानेला लावा, अर्ध्या तासानंतर चेहरा स्वच्छ धुवा.

२ चमचे बेसनमध्ये चिमूटभर हळद, लिंबाचा रस, दूध घालून तयार मिश्रण चेहऱ्याला लावून काही वेळाने चेहरा थंड पाण्याने धुवा.

मुल्तानी मातीमध्ये चमचाभर कोरफडीचा गर, गुलाबपाणी घालून तयार केलेली पेस्ट चेहऱ्याला, मानेला लावा, १५ मिनिटांनंतर चेहरा स्वच्छ धुवा.

पपईचा गर आणि मध एकत्र करुन चेहऱ्याला लावल्यानेही त्वचेवरचा काळपटपणा दूर होतो.

पिकलेल्या टोमॅटोचा गर काढून त्याने चेहरा, मान, हातावर मसाज केल्याने टॅनिंग कमी होते.

किसलेल्या बटाट्याचा रस १० ते २० मिनिटं चेहऱ्यावर लावून ठेवा आणि मग चेहरा स्वच्छ धुवा.

मलई आणि बेसन एकत्र करुन तयार केलेली पेस्ट लावल्यानेही टॅनिंग दूर होण्यास मदत होते.

त्वचेचा काळवटपणा दूर करण्यासाठी थोडा वेळ त्वचेवर बर्फ फिरवा.

त्वचेवरचा काळपटपणा कमी करण्यासाठी टोमॅटोचा गर आणि लिंबाचा रस एकत्र करुन चेहऱ्यावर लावावा.

डाळिंबासोबत लिंबाचा रस एकत्र करुन चेहऱ्याला लावल्याने टॅनिंग लवकर दूर होते.