नाशिकमध्ये गोदावरीत कार अडकली!

नाशिक शहरात सुरू असलेल्या मुसळधार पावसामुळे गोदावरी नदीच्या पाणीपातळीत मोठी वाढ झाली आहे.

या वाढत्या पाणी पातळीमुळे नदीकाठच्या सखल भागांमध्ये पाणी साचू लागले आहे.

तर नाशिकमध्ये अनेक ठिकाणी रस्त्यांवर पाणी साचल्याचे पाहायला मिळत आहे.

याच दरम्यान, गोदावरी नदीच्या पात्रालगत रस्त्यावर पार्क केलेली एक कार अचानक वाढलेल्या पाण्यात अडकली आहे.

स्थानिक नागरिकांच्या म्हणण्यानुसार, जेव्हा कार तिथे पार्क करण्यात आली,

तेव्हा तिथे पाणी नव्हते. मात्र अल्प वेळातच नदीच्या पाण्याची पातळी झपाट्याने वाढल्याने ती गाडी पाण्यात अडकली.

स्थानिक प्रशासन आणि नागरिकांच्या मदतीने सध्या गाडी बाहेर काढण्याचे शर्थीचे प्रयत्न सुरू आहेत.