राज्यभरात आजही तापमान कमी होताना पहायला मिळत नाही.

तप्त उन्हामुळं अंगाची लाही लाही होतानाचे चित्र अनेक ठिकाणी आहे.

मात्र मिनी काश्मिर म्हणून ओळख असलेल्या महाबळेश्वरमध्ये परिस्थिती काही वेगळीच आहे.

महाबळेश्वरमधला निसर्गातील बदल मात्र सर्वांनाच अचंबित करणारा आहे.

आज सकाळी सह्याद्रीच्या पर्वतरांगामध्ये धुके आणि ढगांचे लोट पाहायला मिळाले

या परिसरातील दऱ्याखोऱ्यातील अनेक डोंगर तर या ढगांच्या खेळात लुप्त झाले होते.

महाबळेश्वरातील दुपारचे तापमान जास्त असते.

मात्र सुर्यास्तानंतर महाबळेश्वर फिरायला आलेल्या पर्यटकांना थंडीचा सामना करावा लागतोय.

सायंकाळच्या वेळेस पर्यटकांना स्वेटर, कानटोपीचा आधार घ्यावा लागत आहे

राज्यात तापमान वाढत असताना महाबळेश्वरमध्ये मात्र हिवाळ्याचा फिल येत आहे.