बदलत्या जीवनशैलीमुळे अपुऱ्या झोपेमुळे शरीराच्या कुरबुरी वाढत आहेत.

वयानुसार माणसाच्या झोपेवर परिणाम होतो.

नुकत्याच करण्यात आलेल्या एका संशोधनात अपुऱ्या झोपेमुळे महिलांना उच्च रक्तदाबाचा धोका अधिक असल्याचे समोर आलं आहे.

अमेरिकन कॉलेज ऑफ कार्डिओलॉजीच्या वार्षिक वैज्ञानिक सत्रात सादर करण्यात आलेल्या विश्लेषणानुसार,

रात्री सात तासांपेक्षाही कमी झोप उच्च रक्तदाब वाढवणारी ठरू शकते, असं सांगण्यात आलंय.

संशोधकांना यात असेही आढळून आलंय की पुरुषांच्या तुलनेत महिलांना अपुऱ्या झोपेमुळे हा धोका अधिक असतो.

सामान्य निष्कर्षानुसार आपल्याला दिवसातून 8 ते 9 तास झोप आवश्यक आहे.

पुरुषांच्या तुलनेत ज्या महिला सात तासांपेक्षाही कमी झोप घेतात त्यांना उच्च रक्तदाबाच्या समस्या अधिक उद्भवल्याचे दिसले.

पुरुषांच्या तुलनेत महिलांना उच्च रक्तदाबाचा धोका हा सात टक्के अधिक असल्याचे समोर आले.

स्त्रियांना निद्रानाश, नैराश्य आणि चिंता या सर्व परिस्थितीचे निदान होण्याची अधिक शक्यता असते, ज्याचा निद्रेशी संबंध असतो.