आयपीएल 2025 मधील पहिल्या सामन्यात मुंबई इंडियन्सचं नेतृत्व सूर्यकुमार यादव करताना दिसणार आहे.

मुंबई इंडियन्सचे प्रशिक्षक महेला जयवर्धने यांनी याबाबतची माहिती दिली आहे.

मुंबईचं 2025 च्या आयपीएलमध्ये नेतृत्व करणाऱ्या हार्दिक पांड्याला पहिल्या सामन्यात बॅन करण्यात आलंय.

स्लो ओव्हर रेटमुळे हार्दिक पांड्यावर पहिल्या सामन्यासाठी बंदी घालण्यात आली आहे.

इंडियन प्रिमिअर लीग म्हणजेच आयपीएलच्या 18 व्या हंगामाला 22 मार्चपासून सुरुवात होणार आहे.

आयपीएल 2025 मधील पहिला सामना कोलकाता नाईट रायडर्स विरुद्ध रॉयल चॅलेंजर्स बेंगलोर दरम्यान खेळवण्यात येणार आहे.

मुंबई इंडियन्सचा संघ त्यांचा पहिला संघ 23 मार्च रोजी खेळेल.

मुंबईचा पहिला सामना चेन्नई सुपर किंग्जविरोधात खेळवला जाणार आहे. हार्दिक पांड्या या सामन्यात खेळू शकणार नाही.

त्यामुळे त्यांच्या जागी कर्णधारपदाची धुरा सूर्यकुमार यादवकडे सोपवण्यात येणार आहे.

मुंबई इंडियन्सच्या सराव सत्रात सूर्यकुमार यादव सक्रीय आहे