कोविड लसीमुळे तरुणांमध्ये अचानक मृत्यूचं प्रमाण वाढलं?

कोरोना व्हायरसच्या लसीबाबत अनेक प्रश्न उपस्थित झाले, कारण यानंतर तरुणांचा अचानक मृत्यू किंवा हृदयविकाराचा झटका आल्याच्या बातम्या आल्या.

इंडियन कौन्सिल ऑफ मेडिकल रिसर्च (ICMR) च्या अभ्यासातून हे सिद्ध झाले आहे की कोविड लस भारतातील तरुण प्रौढांमध्ये अचानक मृत्यूचा धोका वाढलेला नाही.

त्याउलट, हे प्रमाण कमी झालं आहे. केंद्रीय आरोग्य मंत्री जेपी नड्डा यांनी 10 डिसेंबर रोजी राज्यसभेत ही माहिती दिली.

इंडियन कौन्सिल ऑफ मेडिकल रिसर्चने (ICMR) गेल्या वर्षी मे-ऑगस्ट दरम्यान 19 राज्ये आणि केंद्रशासित प्रदेशांमधील 47 रुग्णालयांमध्ये अभ्यास केला.

या अभ्यासानुसार, एकूण 729 आकस्मिक मृत्यूची प्रकरणे समोर आली आहेत.

कोरोनाव्हायरस लसीचा कोणताही डोस घेतल्याने अचानक मृत्यूचा धोका कमी होतो, असं आढळून आलं आहे.

कोविड-19 लसीचे दोन डोस घेतल्याने अशा आकस्मिक मृत्यूचा धोका लक्षणीयरीत्या कमी झाला आहे.

यासंदर्भात आणखी संशोधन सुरु असून ठोस पुरावा मिळण्यासाठी शास्त्रज्ञ प्रयत्नशील आहेत.