क्रिडाविश्वात 360 च्या नावानं ओळखल्या जाणारा दक्षिण आफ्रिकेचा माजी क्रिकेटपटू एबी डिव्हिलियर्स आयपीएलच्या पुढच्या हंगामासाठी सज्ज झालाय.

आयपीएल 2022 मध्ये एबी डिव्हिलियर्स बंगळुरूच्या संघात पुनरागमन करणार असल्याचं त्यानं स्वत: सांगितलं आहे.

एबी डिव्हिलियर्सनं काहीच महिन्यांपूर्वी आंतरराष्ट्रीय क्रिकेटमधून निवृत्ती घेतली आहे. तसेच आयपीएल यंदाच्या हंगामातही त्यानं भाग घेतला नव्हता.

क्रिकेटविश्वात आपल्या दमदार फलंदाजीनं आणि चपळ क्षेत्ररक्षणानं वेगळी ओळख निर्माण करणाऱ्या डिव्हिलियर्सने 114 कसोटी सामन्यात 8 हजार 765 धावा केल्या आहेत.

228 एकदिवसीय सामन्यात त्यानं 25 शतक आणि 53 अर्धशतकांच्या मदतीनं 9 हजार 577 धावा केल्या आहेत.

एबी डिव्हिलियर्सनं टी-20 क्रिकेटमध्ये 78 सामने खेळले आहेत. ज्यात त्यानं 1 हजार 672 धावा केल्या आहेत.

डिव्हिलियर्सनं आपल्या क्रिकेट कारकिर्दीत तीन वेळा आयसीसीचा सर्वोत्तम वनडे खेळाडूचा पुरस्कार पटकावला आहे.

2019 या वर्षात विस्डेननं निवडलेल्या सर्वोत्कृष्ट पाच खेळाडूंच्या यादीत त्याचा समावेश होता.

त्यानं आपल्या देशाचे तीन्ही फॉर्मेटमध्ये नेतृत्व केलं आहे.