अभिनेत्री हुमा कुरेशीला अनेक वेळा नेटकरी ट्रोल करतात.

हुमाच्या महारानी या वेब सीरिजला प्रेक्षकांची पसंती मिळाली. या सीरिजच्या दुसऱ्या सीझनचे देखील अनेकांनी कौतुक केलं.

काही दिवसांपूर्वी हुमानं एका पुरस्कार सोहळ्याला हजेरी लावली. या पुरस्कार सोहळ्यासाठी हुमानं ग्लॅमरस लूक केला होता.

हुमाच्या या लूकला काही नेटकऱ्यांनी ट्रोल केलं आहे. हुमाचा या पुरस्कार सोहळ्यातील एक व्हिडीओ व्हायरल झाला आहे.

हुमाचा एका पुरस्कार सोहळ्यातील रेड कार्पेटवरील व्हिडीओ सोशल मीडियावर व्हायरल झाला.

हुमाच्या व्हायरल व्हिडीओला अनेक नेटकऱ्यांनी कमेंट्स करुन अनेकांनी हुमाला ट्रोल केलं. एका नेटकऱ्याने कमेंट केली, 'हुमा कुरेशी प्रेग्नंट आहे का?'

पुरस्कार सोहळ्यासाठी केलेल्या लूकचा फोटो हुमाने सोशल मीडियावर शेअर केला होता. या फोटोला तिने कॅप्शन दिलं, 'महारानी-2 या वेब सीरिजला दिलेल्या प्रतिसादाबद्दल मी तुमचे आभार मानते. आता तिसऱ्या सीझनची तयारी करत आहे.'

हुमाने तिच्या बदलापूर, गँग्स ऑफ वासेपूर आणि जॉली एल एल बी या चित्रपटातील अभिनयाने प्रेक्षकांची मनं जिंकली. हुमाचा चाहता वर्ग मोठा आहे.

काही दिवसांपूर्वी हुमाचा 'डबल एक्सएल' (Double XL) हा चित्रपट प्रेक्षकांच्या भेटीस आला.

हुमाचा डबल एक्सएल हा चित्रपट तुम्ही नेटफ्लिक्स या ओटीटी प्लॅटफॉर्मवर पाहू शकता.