फ्रीजमध्ये कच्चे दूध ठेवण्याची चूक करू नका, यामध्ये लपलेल्या विषाणूंमुळे तुम्हाला फ्लू संसर्ग होऊ शकतो.

जेव्हा गाई आणि म्हशींना संसर्ग होतो, तेव्हा विषाणू त्यांच्या दुधातही पोहोचतात. दूध नीट उकळले नाही, तर त्यामधील विषाणू जिवंत राहू शकतात.

कच्चे दूध फ्रीजमध्ये ठेवल्याने त्यातील विषाणूही जिवंत राहतात, अशी धक्कादायक माहिती अभ्यासात समोर आली आहे.

कच्चं दूध रेफ्रिजरेटरमध्ये ठेवल्यास त्यातील विषाणू सुमारे 5 दिवस जिवंत राहू शकतात, असं स्टॅनफोर्ड युनिव्हर्सिटीच्या अभ्यासात उघड झालं आहे.

कच्च्या दुधात फ्लूचा विषाणू बराच काळ जिवंत राहतो, त्यामुळे संसर्गाचा धोका वाढतो. विशेषत: हिवाळ्यात हा धोका जास्त असतो, असंही या अभ्यासात समोर आलं आहे.

कच्च्या दुधात साल्मोनेला, ई. कोलाय, लिस्टेरिया, कॅम्पिलोबॅक्टर यासारखे घातक जंतू असू शकतात. यांच्या संसर्गाने तुम्ही आजारी पडू शकता.

कच्चे दूध प्यायल्याने गॅस्ट्रोइंटेस्टाइनल ट्रॅक्ट आणि रोगप्रतिकारक शक्तीशी संबंधित आजार होऊ शकतात.

त्यामुळे दूध नेहमी उकळून प्यावे. याशिवाय फ्रीजमध्ये दूध ठेवण्याआधी ते चांगले उकळावे.

दूध झाकून ठेवा, जेणेकरून फ्रीजमध्ये ठेवलेल्या इतर गोष्टींचा वास आणि विषाणू त्यामध्ये जाणार नाही आणि ते खराब होणार नाही.

टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. कोणताही उपाय किंवा तज्ज्ञ किंवा डॉक्टरांच्या सल्ल्याने घ्यावीत.