चीनमधील कोरोनाचा वाढता संसर्ग तसेच जागतिक डॉलरची घसरण याचा परिणाम मौल्यवान धातूंच्या किंमतीवरही दिसून आला आहे.

भारतातही गेल्या काही दिवसांपासून सोन्याच्या दरात चढ-उतार पाहायला मिळतायत. याचा परिणाम ग्राहकांच्या वस्तू खरेदीवर झाला आहे.

भारतीय बाजारातील स्थिती पाहता सोन्याच्या दरात वाढ झाल्यामुळे ग्राहकांनी सोनं खरेदी करण्याकडे पाठ फिरवली आहे.

कारण आज बुलियन्सच्या वेबसाईटनुसार पाहिल्यास, सोन्याचे फ्युचर्स दर 0.50 टक्क्यांनी वाढून 24 कॅरेट सोन्याचा दर 55,090 रूपयांवर आला आहे. तर, 22 कॅरेट सोन्याचे दर 50,499 वर व्यवहार करत आहेत.

आज एक किलो चांदीचा दर 69,800 रुपयांवर व्यवहार करत आहे.

स्पॉट गोल्ड 0302 GMT नुसार 0.3% वाढून $1,785.78 प्रति औंस झाले. US सोने फ्युचर्स 0.7% कमी होऊन $1,796.50 वर होते.

स्पॉट सिल्व्हर 0.9% कमी होऊन $23.44 वर, प्लॅटिनम 0.4% कमी होऊन $1,005.88 वर आणि पॅलेडियम 0.1% कमी होऊन $1,889.50 वर पोहोचले आहेत.

सोन्याचे दर 55 हजारांच्या घरात पोहोचल्यामुळे ग्राहकांनी वेट अॅन्ड वॉचची भूमिका घेतली आहे.

इंडियन बुलियन अॅंड ज्वेलर्स असोसिए शनच्या मते, तुम्ही 8955664433 या क्रमांकावर मिस कॉल देऊन किंमत तपासू शकता. तुम्ही ज्या नंबरवरून मेसेज कराल त्याच नंबरवर तुम्हाला मेसेज येईल.