मुंबई महापालिका दरवर्षी फुले, फळे आणि भाजीपाला प्रदर्शन भरवते ज्याची मुंबईकर उत्सुकतेने वाट पाहत असतात.

बागकाम प्रेमींसाठी हॉटस्पॉट असलेले हे प्रदर्शन पर्यटकांसाठी मुख्य आकर्षणांपैकी एक आहे.

सध्या G20 शिखर परिषद चर्चा आहे म्हणूनच, BMCच्या वृक्ष प्राधिकरणाने प्रदर्शनाची थीम ही G20 ठेवली आहे.

भायखळ्यातल्या वीरमाता जिजाबाई भोसले वनस्पती उद्यान व प्राणिसंग्रहालयाच्या परिसरात 3 फेब्रुवारी रोजी प्रदर्शनाचा शुभारंभ झाला.

या उद्यान प्रदर्शनाचा शुभारंभ अतिरिक्त महानगरपालिका आयुक्त (पूर्व उपनगरे) अश्विनी भिडे यांच्या हस्ते करण्यात आला.

मुलांना विविध वनस्पती, झाडे, फुले आणि फळांविषयी माहिती देणं हा या प्रदर्शनाचा उद्देश आहे.

मुलांना त्यांच्याकडे आकर्षित करण्यासाठी ही फुले कार्टून कॅरेक्टरच्या आकारात साकारण्यात आली आहेत.

काही मनोरंजक दृश्यांचा आनंद घेताना त्यांना वनस्पतींबद्दल शिक्षित करणं हा या उद्यान प्रदर्शनाचा हेतू आहे.

हे प्रदर्शन पाहण्यासाठी कोणतंही शुल्क आकारण्यात येत नाही. मागील वर्षी या प्रदर्शनला दीड लाख पर्यटकांनी भेट दिली होती.