भारत विरुद्ध दक्षिण आफ्रिका सामन्यांसाठी भारताचा दिग्गज खेळाडू दिनेश कार्तिक संघात परतला आहे.

आयपीएलमधील कामगिरीमुळे त्यांचं संघात पुनरागमन झालं आहे.

त्याने यंदा आरसीबीकडून दमदार फलंदाजी केली.

आता त्याला अंतिम 11 मध्ये संधी मिळेल का? याकडे सर्वांचे लक्ष आहे.

दिनेश कार्तिकच्या संघातील रोलबाबत बोलताना कोच राहुल द्रविडनेही सूचक वक्तव्य केलं.

''दिनेश कार्तिकचा रोल स्पष्ट आहे. दिनेश कार्तिकने आयपीएलमध्ये त्याच्या संघाकडून एक उत्तम फिनीशर म्हणून कामगिरी केली. त्यामुळेच त्याची टीम इंडियात पुन्हा एन्ट्री झाली आहे.''

द्रविडच्या या वक्तव्यामुळे कार्तिक एक फिनीशर म्हणून संघात असण्याची दाट शक्यता आता वर्तविली जात आहे.

दिनेशने यंदा आयपीएलमध्ये यष्टीरक्षक म्हणूनही चांगली कामगिरी केली.

दिनेश कार्तिकचा स्ट्राईक रेट अगदी जबरदस्त असल्याचं यावेळी दिसून आलं.

दिनेशने आयपीएल 2022 मध्ये 16 सामन्यात 183.33 स्ट्राईक रेटने 330 धावा केल्या.