केंद्रीय आरोग्य मंत्रालयाच्या आकडेवारीनुसार, देशात गेल्या 24 तासांत 842 कोरोनाबाधित सापडले आहेत आणि सहा रुग्णांचा मृत्यू झाला आहे.

एक दिवस आधी देशातील कोरोना रुग्णांची संख्या वाढल्यानंतर आज रुग्णांची घट झाली आहे.

काल देशात 1016 नवीन कोरोना रुग्ण आणि दोन रुग्णांच्या मृत्यूची नोंद झाली होती.

दिलासादायक बाब म्हणजे देशातील सक्रिय कोरोना रुग्णांची संख्या सध्या 12 हजारांवर पोहोचली आहे.

देशात आतापर्यंत कोरोनामुळे सुमारे पाच लाख 30 हजारहून अधिक रुग्णांचा कोरोनामुळे मृत्यू झाला आहे.

कोरोना विषाणूची पुन्हा लागण होण्याचं प्रमाण वाढलं आहे.

कोरोनाची पुन्हा लागण पहिल्या संसर्गापेक्षा धोकादायक असल्याचं अभ्यासात आढळून आलं आहे.

कोरोनामुळे मृत्यूचा धोका कमी झाला असला तरी पुनर्संक्रमणामुळे लक्षणीयरीत्या वाढ झाली आहे.

गुरुवारी प्रकाशित झालेल्या एका अभ्यासानुसार, पुन्हा कोरोना संक्रमण हे अधिक घातक असल्याचं समोर आलं आहे.

देशात एकीकडे कोरोना तर दुसरीकडे इतर विषाणूजन्य आजारांचा धोका वाढताना दिसत आहे.

एकीकडे देशात डेंग्यू आणि गोवर यांसारख्या आजारांनी डोकं वर काढलं आहे.