मागील महिन्यात सोन्याच्या दराने विक्रमी उच्चांक गाठत एक लाख रुपये प्रति 10 ग्रॅमचा टप्पा ओलांडला होता.

मात्र त्यानंतर सोन्याच्या दरात झपाट्याने घसरण झाली असून सध्या या दरात सतत चढउतार सुरू आहेत.

आज प्रति 10 ग्रॅम सोन्याच्या दरात 100 रुपयांची घसरण नोंदवण्यात आली आहे.

आर्थिक राजधानी मुंबईत 22 कॅरेट सोनं 89,350 रुपये प्रति 10 ग्रॅम या दराने विकले जात आहे, तर 24 कॅरेट सोनं 97,480 रुपयांना उपलब्ध आहे.

दरम्यान, मुंबईत चांदीच्या दरात कोणताही बदल झालेला नाही.

एमसीएक्सवर सोन्याचा भाव 0.42 टक्क्यांनी घसरून 96,014 रुपये प्रति 10 ग्रॅमवर आला आहे.

तर चांदीचा दर 0.04 टक्क्यांनी वाढून 98,090 रुपये प्रति किलो इतका झाला आहे.

राष्ट्रीय राजधानी दिल्लीत 22 कॅरेट सोनं 89,490 रुपये प्रति 10 ग्रॅम दराने उपलब्ध आहे, तर 24 कॅरेट सोन्याचा दर 97,620 रुपये इतका आहे.

भारतीय समाजात सोनं आणि चांदीला विशेष महत्त्व आहे.

ते केवळ संपन्नतेचे प्रतीक नसून, विवाह, सण-उत्सव यांसारख्या प्रसंगी शुभ मानले जाते.

त्यामुळे अशा काळात यांची खरेदी मोठ्या प्रमाणावर होते.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.