आज सलग चौथ्या दिवशी सोन्याच्या दरात घसरण नोंदवण्यात आली आहे.

देशाची आर्थिक राजधानी मुंबई येथे 22 कॅरेट सोने प्रति 10 ग्रॅम 89,340 रुपयांना विकले जात आहे.

तर 24 कॅरेट सोन्याचा दर 97,470 रुपये प्रति 10 ग्रॅम इतका आहे.

मुंबईत चांदीच्या दरात 100 रुपयांची घट झाली आहे.

एमसीएक्सवर (MCX) सोने प्रति 10 ग्रॅम 94,673 रुपयांवर ट्रेड करत आहे.

दुसरीकडे, चांदी 0.38 टक्क्यांनी वधारून 97,628 रुपये प्रति किलो या दराने सकाळी व्यवहारात आहे.

सोन्याचे दर ठरवण्यात अनेक घटक महत्त्वाचे असतात.

जसे की आंतरराष्ट्रीय बाजारातील किंमती, आयात शुल्क, आणि डॉलरसंबंधीची चढ-उतार.

भारतात सोने केवळ गुंतवणुकीसाठीच नाही, तर धार्मिक आणि सांस्कृतिक दृष्टिकोनातूनही खूप महत्त्वाचे मानले जाते.

कोणताही सण-उत्सव असो किंवा विवाह समारंभ, सोन्याची मागणी याकाळात अधिक वाढते.

शिवाय सोने हे सुरक्षित गुंतवणूक मानले जाते.

टीप: वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.