EPFO, ने नोकदारांना PF काढण्याच्या नियमांमध्ये काही बदल केले आहेत, ज्याचा पगारदारांना मोठ्या प्रमाणात फायदा होऊ शकेल.

अशा लोकांना मदत म्हणून सरकारने अलीकडेच EPF शी संबंधित नियमांमध्ये बदल केले आहेत.

यामुळे विशेषतः अशा नोकरदारांना दिलासा मिळेल जे पहिल्यांदाच घर खरेदी करणार आहेत, पण त्यांना डाउन पेमेंटची व्यवस्था करण्यात अडचण येत होती.

नवीन EPF नियमांनुसार कर्मचारी आता त्यांचे पहिले घर खरेदी करण्यासाठी पीएफ रकमेच्या 90% रक्कम काढू शकतील.

याआधी अशा प्रकारे पैसे काढण्यासाठी सदस्यांना पाच वर्षे सतत नोकरी करणे आवश्यक होते पण,आता नवीन नियमांनुसार सदस्यांना त्यांचे EPF खाते उघडल्यानंतर तीन वर्षांनीच पैसे काढता येतील.

सदस्य आयुष्यात फक्त एकदाच पीएफ ॲडव्हान्स पैसे काढण्याचा हा पर्याय वापरू शकतात.

ऑनलाइन दाव्यासाठी चेक किंवा बँक पासबुकची सत्यापित छायाप्रत अपलोड करण्याची आवश्यकता रद्द करण्यात आली आहे.

EPF खाते UAN शी लिंक करताना बँक खातेधारकाचे नाव सत्यापित केले जात असल्याने आता चेक किंवा पासबुकची सत्यापित प्रत आवश्यक नाही.

या सोप्या प्रक्रियेचा फायदा अशा सदस्यांनाही होईल जे त्यांचे विद्यमान बँक खाते तपशील अपडेट करू इच्छितात.

आता त्यांचा नवीन बँक खाते क्रमांक आणि IFSC कोड प्रविष्ट करून हे करू शकतात, ज्याची पुष्टी आधार OTP द्वारे केली जाईल.

ऑटो-सेटलमेंट मर्यादा देखील वाढवण्यात आली आहे. याआधी फक्त 1 लाख रुपये मर्यादा होती जी आता 5 लाख रुपयांपर्यंत वाढवण्यात आली आहे.

यामुळे लोकांना 72 तासांच्या आत जलद पैसे मिळू शकतील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)