वर्ल्ड गोल्ड काऊन्सिलच्या नव्या रिपोर्टनुसार राजकीय आणि व्यापारी जोखीम कमी झाली तर सोन्याचे दर घसरण्याची शक्यता आहे.

जर अमेरिकन डॉलर आणि ट्रेजरी यील्डमध्ये वाढ झाली, तर सोन्याच्या दरावर दबाव येऊ शकतो, असं रिपोर्टमध्ये म्हटलं आहे.

जर केंद्रीय बँकांनी सोने खरेदी कमी केली, आणि गुंतवणूकदारांची मागणीही घटली, तर दर कमी होऊ शकतात.

सध्या सोन्याचे दर 97,511 रुपये प्रति तोळा आहेत. दरात सातत्यानं वाढ होत आहे.

2025 मध्ये एक तोळा सोनं 20,000 रुपयांपेक्षा अधिकने महागलंय, आणि चांदीच्या किमतीतही एवढीच वाढ झाली आहे.

डोनाल्ड ट्रम्प यांच्या टॅरिफ धोरणांमुळे सोनं गुंतवणुकीचा सुरक्षित पर्याय ठरलं, त्यामुळे मागणी वाढली.

3 नोव्हेंबर 2022 रोजी सोनं 1,429 डॉलर प्रति औंस इतकं स्वस्त होतं. आता ते 3,287 डॉलर प्रति औंसवर पोहोचलंय.

म्हणजेच दरवर्षी सुमारे 30% च्या सीएजीआरने सोन्याच्या किमती वाढल्या आहेत.

अभ्यासात असं दिसून आलं की, जेव्हा जागतिक शांतता आणि स्थिरता वाढते, तेव्हा सोन्याची मागणी कमी होते.

गुंतवणूकदार आता सावध झालेत, कारण सोन्याचे दर खूप वाढले असून भविष्यात घसरणे शक्य आहे.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)