अभिनेत्री नोरा फतेहीने अलीकडेच तिच्या मित्राच्या लग्नाला हजेरी लावली. नोराने तिच्या टीममधील सदस्य अनुपच्या लग्नाला हजेरी लावून सर्वांची मने जिंकली. अनुपचं लग्न रत्नागिरीत मोठ्या धूमधडाक्यात पार पडलं. त्यासाठी नोराने दादर ते रत्नागिरी असा ट्रेनने प्रवास केला. नोराने या खास प्रसंगाचा एक व्लॉगही शेअर केला आहे. यामध्ये तिने अनुपच्या लग्नसोहळ्याचा आनंद आणि त्याच्याबद्दलची कृतज्ञता व्यक्त केली आहे. अनुप गेल्या 8 वर्षांपासून नोराच्या टीमचा एक भाग आहे. अनुप 2017 पासून आतापर्यंतचा तिचा प्रवास कॅमेऱ्यात कैद केला आहे. अनुप नोराच्या टीमचा फोटोग्राफर आणि व्हिडीओग्राफर आहे. लग्नाच्या सेलिब्रेशनमध्ये नोराने 'चिकनी चमेली' आणि 'झिंगाट' गाण्यांवर डान्स करून मैफिल लुटली. नोराने तिच्या चाहत्यांना सांगितले की, लवकरच ती तिच्या प्रवासाचा आणि लग्नाचा संपूर्ण व्लॉग शेअर करणार आहे.