बॉलिवूडचा सुपरस्टार शाहरुख खानचा लाडका लेक आर्यन खान आता बॉलिवूडमध्ये पदार्पण करण्यासाठी सज्ज आहे.

आर्यन सिनेसृष्टीत येणार असल्याच्या चर्चा गेल्या काही दिवसांपासून होत होत्या.

आर्यन खानने सोशल मीडियाच्या माध्यमातून त्याच्या पहिल्या-वहिल्या प्रोजेक्टची माहिती चाहत्यांना दिली आहे.

आर्यन अभिनेता म्हणून नव्हे तर दिग्दर्शक म्हणून सिनेसृष्टीत पाऊल ठेवत आहे.

बॉलिवूडच्या लोकप्रिय स्टार किडने अभिनयापेक्षा 'कॅप्टन ऑफ द शीप' होण्याला पसंती दर्शवल्याने अनेक चर्चांना उधाण आलं आहे.

आर्यनने सोशल मीडियावर संहितेचा फोटो शेअर करत चाहत्यांना आनंदाची बातमी दिली आहे.

फोटो शेअर करत त्याने लिहिलं आहे,संहितेचं काम पूर्ण झालं आहे..आता शूटिंगसाठी प्रतीक्षा करू शकत नाही.

आर्यनच्या या वेबसीरिजची निर्मिती शाहरुखच्या रेड चिलीज एंटरटेनमेंटच्या बॅनरखाली करण्यात येणार आहे.

आर्यन खान नेटफ्लिक्सच्या आगामी वेब सीरिजच्या दिग्दर्शनाची धुरा सांभाळत आहे.

27 वर्षांच्या आर्यन खानने 'स्कूल ऑफ सिनेमॅटिक आर्ट्स' या कॅलिफोर्नियातील एका महाविद्यालयातून शिक्षण घेतलं आहे.