अभिनेता राजकुमार राव हा एकेकाळी मित्रांकडून उधार पैसे घेऊन जगत होता. परंतु, आज तो करोडो रूपयांच्या संपत्तीचा मालक आहे.

राजकुमार राव याची इंडस्ट्रीतील टॉप कलाकार म्हणून ओळख आहे.

त्याने आतापर्यंत स्त्री, शादी में जरूर आना, बधाई हो सारखे अनेक हिट चित्रपट दिले आहेत.

आपल्या मेहनतीच्या जोरावर त्याने करिअरमध्ये वेगळी ओळख निर्माण केली आहे.

राजकुमार राव आज करोडोंचा मालक आहे. परंतु, एक काळ असा होता की, त्याच्या बॅंक खात्यात फक्त 18 रुपये शिल्लक होते.

इतकेच नाही तर त्याला जगण्यासाठी मित्रांकडून पैसे उधार घ्यावे लागत होते.

राजकुमार राव याने एका मुलाखतीमध्ये स्वत: त्याच्या स्ट्रगलच्या दिवसांची आठवण करून देणारे काही किस्से शेअर केले आहेत.

मी मुंबईत आलो होतो, त्यावळी खूप लहान ठिकाणी राहत असे. एक काळ असा होता जेव्हा पैसे पूर्णपणे संपत असत, असे तो सांगतो.

एकदा माझ्या मोबाईलवर मेसेज आला की माझ्या खात्यात 18 रुपये शिल्लक होते आणि माझ्या मित्राकडे 23 रुपये होते, असे राजकुमार राव सांगतो.

राजकुमार याने सांगितले की, FTII हा एक मोठा समुदाय आहे. आम्ही त्यावेळी पैसे उधार घ्यायचो.