बार्शीचे आमदार राजेंद्र राऊत यांच्या कुटुंबाने ग्रामदैवत श्री भगवंताला एक किलो शभंर ग्रॅम वजनाचा सोन्याचा मुकूट अर्पण केला.

हा मुकूट अर्पण सोहळा आज सकाळी 10 ते 12 या वेळेत पार पडला.

अतिशय सुंदर आणि कलाकुसर असलेला हा मुकुट कोल्हापूर येथील कारागिरांनी तयार केलेला आहे.

याआधी श्री भगवंताला चांदीचा मुकुट होता.

आता राजेंद्र राऊत यांनी तब्बल एक किलो शंभर ग्राम वजनाचा हा सुंदर मुकुट अर्पण केला आहे.

या मुकुट अर्पण सोहळ्यानिमित्त ह.भ.प.जयवंत बोधले महाराज यांचं कीर्तन झालं.

तसंच या प्रसंगी आमदार श्रीकांत भारतीय हे उपस्थित होते.

दुपारी 12 ते 3 यावेळेत भगवंत मंदिरात महाप्रसाद कार्यक्रम आयोजित करण्यात आला आहे.

दरम्यान श्री भगवंताची गंडकी शिळेची शाळीग्राम मूर्ती पाहताक्षणीच विलोभनीय आणि लोभस वाटते.