सोलापूर जिल्ह्यातील बार्शी तालुक्यातील पांगरीमध्ये फटाका फॅक्टरीत भीषण स्फोट झाला आहे.

यात अनेक कामगार जखमी झाल्याची माहिती आहे. या दुर्घटनेत दोन कामगारांचा मृत्यू झाल्याची माहिती आहे.

बार्शी तालुक्यातील पांगरी गावाजवळ ही घटना घडली आहे.

फॅक्टरीमध्ये फटाके बनवण्याचे काम सुरू असताना भीषण स्फोट झाला.

स्थानिकांच्या माहितीनुसार या घटनेमध्ये दोन कर्मचाऱ्यांचा मृत्यू झालाय. मात्र प्रशासनाने याला अद्याप कोणताही दुजोरा दिलेला नाही.

या घटनेतील मृतांचा आकडा मोठा असल्याची भीती स्थानिकांकडून व्यक्त करण्यात येत आहे.

फटाका फॅक्टरीमध्ये जवळपास 40 कर्मचारी काम करत होते अशी प्राथमिक माहिती आहे.

स्थानिकांच्या माहितीनुसार 6 ते 7 कर्मचारी जखमी झाल्याची आणि दोन कामगारांचा मृत्यू झाल्याची माहिती आहे.

अग्निशमन दल, पोलीस आणि प्रशासन घटनास्थळी दाखल झाले आहे.