नवी मुंबई : भाजयुमो पदाधिकाऱ्याचा पालिका सभागृहात वाढदिवस साजरा

पनवेल महानगरपालिका सभागृहात चक्क नगरसेवक नसलेल्या व्यक्तीचा वाढदिवस साजरा करण्यात आल्याने वाद निर्माण झालाय. भाजपा युवा मोर्चाचा पदाधिकारी प्रितम म्हात्रे याचा वाढदिवस महापौर कविता चौतमल आणि सभागृह नेता परेश ठाकूर यांनी हा वाढदिवस साजरा केला. वाढदिवस साजरा करताना भाजपाचे नगरसेवक यावेळी उपस्थित होते. वाढदिवस सभागृहात साजरा करून सभागृहाचे महत्व कमी करण्याचे काम सत्ताधारी भाजपाच्या महापौर आणि सभागृह नेत्यांनी कमी केल्याचा आरोप विरोधक करीत आहेत. तर पनवेलच्या नागरिकांमध्येही या प्रकारामुळे संतप्त प्रतिक्रिया उमटल्या आहेत.