Vegetable Rates Fall | एपीएमसी मार्केटमध्ये भाजीपाल्याची आवक वाढली, भाज्यांचे दर घसरले

नवी मुंबईतील एपीएमसी भाजीपाला मार्केट मध्ये गेल्या काही दिवसात मोठ्या प्रमाणात भाजीपाला आवक होत असल्याने दरात घसरण झाली आहे. महाराष्ट्र बरोबर परराज्यातून एपीएमसी दिवसाला 650 ते 700 गाड्यांची आवक होवू लागली आहे. नाशिक , नगर, सांगली , पुणे त्याच बरोबर कर्नाटक , आंध्रप्रदेश, गुजरात , मध्य प्रदेश मधूनही भाजीपाला येवू लागला आहे. थंडीचा मोसम असल्याने याचा सकारात्मक परिणाम  भाजीपाला उत्पादनावर झालाय. त्यामुळे आवक वाढल्याने दर आता ३० ते ४० टक्के खाली आले आहेत.