Special Report Petrol Issue : इंधन टंचाईचा फटका, पेट्रोल पंपावर रांगा, पेट्रोलसाठी हाणामारी

Special Report Petrol Issue : इंधन टंचाईचा फटका, पेट्रोल पंपावर रांगा, पेट्रोलसाठी हाणामारी 

नवी दिल्ली : अमेरिका आणि इराण यांच्यातील संघर्षामुळं जगभरातील तेल पुरवठ्यावर मोठा परिणाम झाला आहे. अमेरिकेनं हल्ला केल्यानं इराणकडून होर्मुझची सामुद्रधुनी बंद करण्याचा निर्णय घेतला. मात्र, अमेरिका आणि इराण यांच्यात शस्त्रसंधी झाल्यानंतर डोनाल्ड ट्रम्प यांनी दबावतंत्राचा वापर म्हणून होर्मुझची नाकेबंदी केली. अमेरिका आणि इराण यांच्यातील संघर्षाच्या काळात रशियन तेल खरेदीवर अमेरिकेकडून सूट देण्यात आली होती. मात्र, आता डोनाल्ड ट्रम्प यांनी रशियन तेल खरेदीवर दिलेली सूट वाढवण्यास नकार दिला आहे. यामुळं पेट्रोल आणि डिझेल यासह इतर इंधनांचे दर वाढू शकतात. कच्चा तेलाच्या दरात वाढ झाल्यानं भारतासह जगभरात महागाई वाढण्याचं संकट वाढलं आहे. 

डोनाल्ड ट्रम्प यांच्या प्रशासनानं रशियन तेल खरेदीवर दिलेली अस्थायी सूट वाढवण्यास नकार दिला आहे. आता ही सूट रद्द झाली आहे. हा भारतासाठी मोठा धक्का मानला जातोय. आखाती देशातील संकट आणि होर्मुझच्या सामुद्रधुनीतील तणावामुळं भारत रशियाकडून सातत्यानं तेल खरेदी आहे.