sangli : रोहित पाटील यांची राष्ट्रवादी युवक प्रदेशाध्यक्षपद दिलं जाणार असल्याची चर्चा : ABP Majha

सांगलीच्या कवठेमहांकाळ नगरपंचायत निवडणुकीत करिष्मा घडवणाऱ्या रोहित पाटील यांना राष्ट्रवादी काँग्रेसमध्ये मोठी जबाबदारी देण्यात येणार असल्याचे संकेत मिळतायत. रोहित यांची राष्ट्रवादी युवक प्रदेशाध्यक्षपद दिलं जाणार असल्याची चर्चा सुरु आहे. कर्जत -जामखेडचे आमदार रोहित पवार यांनी देखील नगरपंचायत निकालानंतर रोहित पाटील यांचे अभिनंदन करत त्यांना पक्षातील मोठी जबाबदारी मिळणार असल्याचे सूतोवाच केले होते. तसंच रोहित यांना आगामी विधानसभा निवडणुकीतही तिकीट मिळणार असल्याची चर्चा आहे. दरम्यान, कवठेमहांकाळ नगरपंचायतच्या विकासासाठी दोन कोटींची कामं महाविकास आघाडीकडून मंजूर करण्यात आलेत. खासकरुन कवठेमहांकाळमधील नाले आणि रस्त्यासाठी हा निधी देण्यात आलाय. हा निधी उपलब्ध करुन दिल्याबद्दल आमदार सुमनताई पाटील आणि रोहित पाटील यांनी  महाविकास आघाडीचे आभार मानलेेत.