Pune | डीएसकेंकडून ठेवी परत मिळत नसल्यानं ठेवीदाराची आत्महत्या | ABP Majha

डी. एस. कुलकर्णीकडे गुंतवलेले पैसे परत मिळण्याची आशा नसल्याचे पत्र लिहून एका ठेवीदाराने आत्महत्या केली आहे. तानाजी गणपत कोरके (60) असे आत्महत्या करणाऱ्या ज्येष्ठ नागरिकाचे नाव आहे. त्यांनी राहत्या घरी गुरुवारी (16 जानेवारी) गळफास घेऊन जीवनयात्रा संपवली. मयत तानाजी कोरके हे रिक्षा ड्रायव्हर होते. मुंढवा परिसरात ते कुटुंबियांसह राहत होते. त्यांना चार मुली असून तीन मुलींची लग्न झाली आहेत. आर्थिक विवंचनेमुळे चौथ्या मुलीचं लग्न होत नसल्यामुळे मागील काही दिवसांपासून ते चिंतेत होते.