Pune Ketan Agarwal Case : कॅफेत कसा रचला प्लॅन? पुण्यातील प्रकरणाची INSIDE STORY

पुण्यातील लोहगडावरील केतन अग्रवाल हत्येप्रकरणी सिया आणि चेतनला पोलिसांनी लोणावळा ग्रामीण पोलिसांसमोर हजर करण्यात आलंय... यावेळी केतनची हत्या का केली असा प्रश्न एबीपी माझाच्या प्रतिनिधींनी विचारला मात्र त्यावर सियानं मौन बाळगलं...

केतन अग्रवाल यांच्या हत्येप्रकरणी आरोपी सिया आणि चेतन यांनी गुन्ह्याची कबुली दिल्याची माहिती समोर आली आहे.
लोणावळा ग्रामीण पोलिसांनी एबीपी माझाला दिलेल्या माहितीनुसार, चौकशीदरम्यान दोन्ही आरोपींनी केतन अग्रवाल यांच्या हत्येची कबुली दिली आहे. या कबुलीनंतर तपासाला महत्त्वाचे वळण मिळाले असून, हत्येमागील नेमका कट आणि त्याचे नियोजन उघड करण्यासाठी पोलिसांकडून पुढील तपास सुरू आहे.

 पुण्यातील गाजलेल्या लोहगड हत्याकांडाच्या तपासात धक्कादायक माहिती समोर आली आहे. आरोपी सिया आणि चेतन यांनी केतन अग्रवालच्या हत्येचा कट अत्यंत नियोजनबद्ध पद्धतीने आखल्याचे तपासातून स्पष्ट होत आहे. हत्येच्या दिवशी दोघांनी एका कॅफेमध्ये भेट घेत अंतिम रणनीती ठरवल्याची माहिती पोलिस तपासात पुढे आली आहे.
 सिया आणि चेतन यांच्यात गेल्या सहा महिन्यांत तब्बल २ हजार ४ फोन कॉल्स झाल्याचे उघड झाले आहे. या वारंवार संपर्कामुळे दोघांमधील जवळीक आणि कटातील सहभागाबाबतचा संशय अधिक गडद झाला आहे.