Pimpri : पिंपरीतील लसीकरण केंद्रात महिलेचा चाकू घेऊन प्रवेश

पिंपरीतील लसीकरण केंद्रात काल सकाळी एका महिलेनं चाकू घेऊन प्रवेश केला आणि गोंधळ घातला. लसीमुळे नागरिकांचा मृत्यू होतो या गैरसमजातून तिनं हे धक्कादायक कृत्य केल्याचं समजतं. या महिलेनं लसीकरण केंद्रावरील कर्मचाऱ्यांना शिवीगाळ करून मारहाण केली. तर सेल्फी पॉइंट चाकूनं फाडले. खुर्च्याही तोडण्याचा प्रयत्न केला. त्यानंतर लसीकरण करू नका अशी धमकी देऊन ही महिला तिथून पसार झाली. लसीकरण केंद्रावरील कर्मचाऱ्यांनी या महिलेविरोधात तक्रार नोंदवल्यानंतर पोलीस तिचा शोध घेतायत.